35🚩 എണ്ണം എണീറ്റ് ഓടി എന്നാണ് കേട്ടത്😀. പ്രതിപക്ഷത്തെ കടന്ന ആക്രമിച്ച് മുഖ്യമന്ത്രി #vdsatheesan

കേരള നിയമസഭയിൽ യു.ഡി.എഫ് സർക്കാരിന്റെ ധവളപത്രം അവതരിപ്പിച്ചുകൊണ്ട് മുഖ്യമന്ത്രി വി.ഡി. സതീശൻ പ്രതിപക്ഷത്തെ കണക്കുകൾ നിരത്തി കടന്നാക്രമിച്ചു. കഴിഞ്ഞ പത്തുവർഷത്തെ എൽ.ഡി.എഫ് സർക്കാരിന്റെ സാമ്പത്തിക കെടുകാര്യസ്ഥതയുടെ കണ്ണാടിയാണ് ഈ ധവളപത്രമെന്ന് അദ്ദേഹം സഭയിൽ വ്യക്തമാക്കി. സംസ്ഥാനത്തിൻ്റെ മൊത്തം കടം 5.07 ലക്ഷം കോടി രൂപയായി ഉയർന്നു. മുൻ സർക്കാരിൻ്റെ കാലത്തെ 48,733 കോടി രൂപയുടെ കുടിശ്ശിക ബാധ്യതകൾ പുതിയ സർക്കാരിന് ഏറ്റെടുക്കേണ്ടി വന്നു. സർക്കാരിൻ്റെ ആകെ വരുമാനത്തിൻ്റെ 77 ശതമാനവും ശമ്പളം, പെൻഷൻ, പലിശ എന്നിവ നൽകാനാണ് ചെലവഴിക്കുന്നത്. ഇതിൽ 20.09 ശതമാനവും പലിശ അടയ്ക്കാനാണ് പോകുന്നത്. ധവളപത്രത്തിലെ പ്രധാന കണക്കുകൾ • പ്ലാൻ ഫണ്ടിലെ കുറവ്: കെ.എൻ. ബാലഗോപാൽ അവതരിപ്പിച്ച അവസാന ബഡ്ജറ്റിൽ 35,000 കോടി രൂപയുടെ വികസന പദ്ധതികളാണ് പ്രഖ്യാപിച്ചിരുന്നത്. എന്നാൽ പുതിയ സർക്കാർ കണക്കുകൾ പരിശോധിച്ചപ്പോൾ അതിൽ ഏതാണ്ട് 20,000 കോടി രൂപയുടെ കുറവാണ് കണ്ടെത്തിയത്. ഖജനാവിലെ ബാക്കി: മുൻ സർക്കാർ മാറുമ്പോൾ ഖജനാവിൽ 6,000 കോടി രൂപ അവശേഷിപ്പിച്ചിരുന്നു എന്ന എൽ.ഡി.എഫിന്റെ വാദം മുഖ്യമന്ത്രി തള്ളി. മെയ് 16-ന് അവർ അധികാരം ഒഴിയുമ്പോൾ വെറും 2,000 കോടി രൂപ മാത്രമാണ് ട്രഷറിയിൽ ഉണ്ടായിരുന്നതെന്ന് അദ്ദേഹം വ്യക്തമാക്കി. • തദ്ദേശ സ്ഥാപനങ്ങളുടെ ഫണ്ട്: തദ്ദേശ സ്വയംഭരണ സ്ഥാപനങ്ങൾക്ക് കഴിഞ്ഞ വർഷം നൽകേണ്ടിയിരുന്ന മൂന്നാം ഗഡുവായ 1,982 കോടി രൂപ നൽകുന്നതിൽ മുൻ സർക്കാർ പരാജയപ്പെട്ടുവെന്ന് മുഖ്യമന്ത്രി ചൂണ്ടിക്കാട്ടി. • കിഫ്ബി (KIIFB) പരാജയം: കിഫ്ബി വലിയ പരാജയമാണെന്ന് മുഖ്യമന്ത്രി സഭയിൽ തുറന്നടിച്ചു.കിഫ്ബിക്ക് മാത്രം 21,000 കോടി രൂപയുടെ നേരിട്ടുള്ള വായ്പാബാധ്യതയുണ്ട്. കൂടാതെ ഇതിൻ്റെ മൊത്തം ചെലവിൻ്റെ 20% കണ്ണൂർ ജില്ലയിൽ മാത്രമായി കേന്ദ്രീകരിച്ച് രാഷ്ട്രീയ പക്ഷപാതിത്വം കാണിച്ചതായും റിപ്പോർട്ടിലുണ്ട്. • കുറഞ്ഞ മൂലധന ചെലവ്: വികസന പ്രവർത്തനങ്ങൾക്കായുള്ള മൂലധന ചെലവ് ജി.എസ്.ഡി.പിയുടെ (GSDP) 1.3 ശതമാനമായി ചുരുങ്ങി; ഇത് രാജ്യത്തെ ഏറ്റവും താഴ്ന്ന നിരക്കുകളിലൊന്നാണ്. ജീവനക്കാരുടെയും പെൻഷൻകാരുടെയും കുടിശ്ശിക: സർക്കാർ ജീവനക്കാരുടെ ക്ഷാമബത്ത (DA) ഇനത്തിൽ 21,670 കോടി രൂപയും പെൻഷൻകാരുടെ ക്ഷാമആശ്വാസം (DR) ഇനത്തിൽ 14,387 കോടി രൂപയും കുടിശ്ശികയാണ്. പൊതുമേഖലാ സ്ഥാപനങ്ങളുടെ നഷ്ടം: പൊതുമേഖലാ സ്ഥാപനങ്ങളുടെ നഷ്ടം 2021-22 ലെ 31,571 കോടിയിൽ നിന്ന് 2024-25 ൽ 78,851 കോടിയായി വർദ്ധിച്ചു (പ്രധാനമായും KSRTC, KSSPL, KWA).   ധനമാനേജ്‌മെന്റിലെ പരാജയം: മുൻ സർക്കാരിൻ്റെ സാമ്പത്തിക ദുരുപയോഗത്തിൻ്റെയും നികുതി പിരിവിലെ പരാജയത്തിൻ്റെയും പ്രതിഫലനമാണ് ഈ റിപ്പോർട്ടെന്ന് മുഖ്യമന്ത്രി വ്യക്തമാക്കി. പ്രതിപക്ഷത്തോട് അവരുടെ സാമ്പത്തിക കെടുകാര്യസ്ഥതയുടെ കണ്ണാടിയിലേക്ക് നോക്കാൻ അദ്ദേഹം ആവശ്യപ്പെട്ടു. വരുമാന ചോർച്ച: സ്വർണം, മദ്യം തുടങ്ങിയ പ്രധാന മേഖലകളിൽ നിന്നുള്ള വരുമാന ചോർച്ച തടയുന്നതിൽ മുൻ സർക്കാർ പൂർണ്ണമായി പരാജയപ്പെട്ടുവെന്ന് മുഖ്യമന്ത്രി കുറ്റപ്പെടുത്തി. ധവളപത്രം കാട്ടി ഭയപ്പെടുത്തേണ്ടതില്ലെന്ന മുൻ മുഖ്യമന്ത്രി പിണറായി വിജയന്റെയും പ്രതിപക്ഷത്തിന്റെയും വിമർശനത്തിന് വി.ഡി. സതീശൻ ശക്തമായ ഭാഷയിലാണ് മറുപടി നൽകിയത് "ഈ ധവളപത്രം നിങ്ങളെ ഭയപ്പെടുത്താനുള്ള ഉമ്മാക്കിയല്ല, മറിച്ച് നിങ്ങൾക്ക് നേരെ പിടിച്ചിരിക്കുന്ന കണ്ണാടിയാണ്" എന്ന് മുഖ്യമന്ത്രി പറഞ്ഞു. മുൻ സർക്കാർ ഖജനാവിൽ പണം ബാക്കിവെച്ചിട്ടുണ്ടെന്ന് പറയുന്നതിനെ സാധാരണക്കാർക്ക് മനസ്സിലാകുന്ന ലളിതമായ ഉദാഹരണത്തിലൂടെ അദ്ദേഹം പരിഹസിച്ചു. ശമ്പളം കിട്ടി പോക്കറ്റിൽ പണം വെച്ച് മുറി പൂട്ടിയിരിക്കുന്ന ആളുടെ അവസ്ഥയാണ് മുൻ സർക്കാരിന്റേത്. പുറത്തിറങ്ങിയാൽ പാലുകാരനും പത്രക്കാരനും ഒക്കെ പണം നൽകാനുണ്ട്. അതുപോലെ ഖജനാവിൽ പണമുണ്ടെന്ന് അവകാശപ്പെടുമ്പോഴും എസ്‌സി/എസ്ടി വിദ്യാർത്ഥികളുടെ സ്കോളർഷിപ്പും മരുന്ന് വാങ്ങാനുള്ള പണവും നൽകാതെയാണ് മുൻ സർക്കാർ പോയതെന്ന് അദ്ദേഹം കുറ്റപ്പെടുത്തി.