INSPIRE ETHIOPIA 🇪🇹

ዲሲፕሊን!

ዲሲፕን ማለት አንድን ነገር የማድረግ ፍላጎቱ ባይኖረንም እንኳ ጠቃሚ ስለሆነ ብቻ ራስን በማስገደድ በየእለቱ ማድረግ ማለት ነው፡፡ ከዚህም በተጨማሪ ዲሲፕሊን ማለት አንድን ነገር የማድረግ ፍላጎት እያለን ሳለ፣ ነገሩ ጥቅመ-ቢስና ጎጂ ስለሆነ ብቻ ራሳችንን በመግዛት ከማድረግ ራስን መከልከል ማለት ነው፡፡

በእነዚህ በሁለቱ የዲሲፕሊን ትርጉሞች መሰረት የማያቋርጥ ልምምድ ያለው ሰው 80 በመቶው የሕብረተሰቡ ክፍል ያልተለማመደው አስገራሚ ልምምድ ላይ ደርሷል፤ ለላቀ ስኬትም ራሱን እያዘጋጀ ነው፡፡ ይህ የዲሲፕሊን ልምምድ ወደ አንድ አስገራሚ ዓለም ያሻግረዋል፡፡ ይህ አስገራሚ ዓለም የልማድ ዓለም ነው፡፡

ልማድ ማለት አንድን ቀድሞ ማድረግ የማንችለውን ወይም የማንፈልገውን ነገር ራሳችንን በዲሲፕሊን በማስገደድ ከመደጋገማችን የተነሳ ላለማድረግ እስከማንችል ድረስ ስንለምደው ማለት ነው፡፡

በአንድ ነገር ዙሪያ ዲሲፕሊን እንደከምታዳብሩ ድረስ ከተለመደው አዙሪት አትወጡም፡፡ አንድን ዲሲፕሊን ደግሞ ልማድ እስከሚሆን ድረስ ካልደጋገማችሁት የጀመራችሁት ነገር ስለማይጸና ታቋርጡታላችሁ፡፡ ይህ ጀምሮ የማቋረጥ ሁኔታ ደግሞ የራስ-በራስ ምልከታችሁን፣ እንዲሁም ለራሳችሁ ያላችሁን አክብሮትና ግምት እጅጉን ያወርደዋል፡፡

በርቱና የዲሲፕሊንና የልማድ ሰው ለመሆን ስሩ! 

መልካም ቀን!

3 months ago | [YT] | 1