'मगही पान' हमर मगहिया सब के पहचान अउर ठेकान हे. मगही भाषा व संस्कृति के शान हे. एही चलते ई चैनल के नाम 'मगही पान' रखल गेले हे. हमर मगध के धरती दुनिया भर के पहिले-पहल सभ्यता-संस्कृति और शासन सिखैलके हे. एकरा में कौनो दू मत न हे. लेकिन वर्तमान देखल जाई त ठीक न लौकत हे. प्रचुर साहित्य, गीत-संगीत, नाट्य परम्परा, रिचुअल, धन्य-धान्य से भरपूर 'मगध' के धरती अब अपन पहचान के भूलल जा रहले हे. एही चलते ई उपक्रम कैल गेले हे. ईजगा अपन भाषा में अपन साहित्य-संस्कृति, गीत-संगीत, खेल-तमाशा और रोजमर्रा के जीवन से जुड़ल जानकारी/समाचार के जोगवल जैतै. देश-दुनिया भर में आज मगहिया लोग बसल हे. ऊ अपन इलाका-जेवार के बारे में जाने ल चाहै हे.अपन भाषा-संस्कृति से जुड़ल रहे ल चाहै हे. ई चैनल इहे काम करतै.

आज दुनिया भर के हर भाषा-बोली के अपन मीडिया हे. लोग अपन भाषा-बोली में समाचार और मनोरंजन चाह हे. मगही में एकर अभाव हे. इहे अभाव के दूर करेल ई उपक्ररम कैल गेल हे. आहू, हम मगहिया सब मिल के अपन भाषा-बोली, साहित्य-संस्कृति और खेल-तमाशा के जोगावल जाय. 'मगही पान' चैनल दुनिया भर के मगहिया सब के ऑनलाइन ठीहा बनावल जाय!