Htet Soe Lin VJ

မေမေရဲ့ လက်ကျန်အချိန်လေးမှာ အတူရှိခွင့်ရချင်တယ်လို့ ကိုထိန်လင်းပြော

မေမေရဲ့ လက်ကျန်အချိန်လေးမှာ အတူဖြတ်သန်းခွင့်ရချင်တယ်လို့ ဇွန်လ ၆ ရက်နေ့ လူထုခေါင်းဆောင် ဒေါ်‌အောင်ဆန်းစုကြည်ရဲ့မွေးနေ့ဆုတောင်းပွဲမှာ ပြောကြားလိုက်တာပါ။

ကျွန်တော် ဒီစင်မြင့်ပေါ်မှာ ရပ်တည်နေတာဟာ ဒေါ်အောင်ဆန်းစုကြည်ရဲ့ သားတစ်ယောက်အဖြစ်သာ မဟုတ်ပါဘူး။ သူမရဲ့ အသက်အန္တရာယ်အတွက် အလွန်စိုးရိမ်ပူပန်နေသူတစ်ဦးအဖြစ်လည်းကောင်း၊ မြန်မာနိုင်ငံရဲ့ ရက်စက်ကြမ်းကြုတ်တဲ့ စစ်အာဏာရှင်စနစ်အောက်မှာ ဆင်းရဲဒုက္ခခံစားနေဆဲ သန်းပေါင်းများစွာသော ပြည်သူတွေအတွက်လည်းကောင်း ရပ်တည်နေတာ ဖြစ်ပါတယ်။

ဒီအခြေအနေဟာ ကျွန်တော့်နှလုံးသားရဲ့ အနက်ရှိုင်းဆုံးနေရာအထိ ထိုးဖောက်နာကျင်စေပါတယ်လို့ ကိုထိန်လင်းက ဖွင့်ဟပါတယ်။

“သားတစ်ယောက်အနေနဲ့ ကျွန်တော် လိုချင်တာ အလွန်ရိုးရှင်းပါတယ်။ ကျွန်တော့်အမေ ကျန်းမာလုံခြုံနေတယ်ဆိုတာ သိချင်တယ်။ သူမရဲ့အသံကို ကြားချင်တယ်။ သူမရဲ့မျက်နှာကို မြင်ချင်တယ်။ သူမဘဝရဲ့ ကျန်ရှိနေသေးတဲ့ နှစ်များအတွင်း သူမနဲ့အတူ အချိန်တွေကို ဖြတ်သန်းခွင့်ရချင်တယ်”လို့ ကိုထိန်လင်းက ပြောပါတယ်။

ကမ္ဘာပေါ်မှာ ဘယ်မိသားစုမဆို မိမိတို့ရဲ့ မိခင် အသက်ရှင်နေသေးသလား ဆိုတာ သိခွင့်ရရှိဖို့ဆိုတဲ့ အခြေခံလူ့အခွင့်အရေးကို မဆုံးရှုံးသင့်ပါဘူး။

“မေမေဟာ သူမဘဝရဲ့ လေးပုံတစ်ပုံကျော်ကို စစ်တပ်ရဲ့ နေအိမ်အကျယ်ချုပ်နဲ့ အကျဉ်းထောင်များအတွင်း ကုန်ဆုံးခဲ့ရပါတယ်။ ဒီမိုကရေစီကို ငြိမ်းချမ်းစွာ ကာကွယ်မြှင့်တင်ခဲ့တဲ့အတွက်သာ ဖြစ်ပါတယ်”လို့ကိုထိန်လင်းက ပြောပါတယ်။

ကျွန်တော်တို့ မိသားစုဟာ ဆယ်စုနှစ်များစွာအတွင်း စိတ်ပိုင်းဆိုင်ရာ ဖိအားပေးမှုတွေ၊ ဓားစာခံသဘောထားနဲ့ ဆက်ဆံမှုတွေ၊ ရည်ရွယ်ချက်ရှိရှိ လိမ်လည်လှည့်ဖြားမှုတွေကို အကြိမ်ကြိမ် ခံစားခဲ့ရပြီးပြီလို့ ကိုထိန်လင်းက ပြောပါတယ်။
#FreeAungSanSuuKyi #မြန်မာ့ဒီမိုကရေစီ #htetsoelinvj

1 week ago | [YT] | 0