Under the esteemed umbrella of Jamia Rahmani Khanqah, Munger, our channel is dedicated to producing high-quality, thoughtful videos that address sensitive issues with clarity and compassion. Our foremost mission is to educate and enlighten our Muslim brothers and sisters, while also sharing with the world the true essence of Islam — a faith rooted in peace, justice, and mercy.
Through every piece of content, we strive to uphold the timeless values of Islamic teachings, presenting them in a manner that resonates with the contemporary world. Alongside our commitment to religious integrity, we also remain deeply attentive to the democratic and constitutional dimensions of the issues we explore.
In all our efforts, our aim is to inspire understanding, foster harmony, and encourage meaningful dialogue in society.
+919162365566
Fikr o Nazar TV
*قربانی ایک عظیم عبادت اور فلسفہ حیات*
*حضرت مولانا محمد شمشاد رحمانی قاسمی*
استاذ دارالعلوم وقف دیوبند
و نائب امیر شریعت بہار، اڑیسہ و جھارکھنڈ۔
اسلامی تاریخ کا ہر واقعہ اپنے اندر روشن تاریخ اور سبق لئے ہوئے ہے اور ہر دور میں انسانی زندگی کی رہبری کرتا ہے۔ ہر سال عید الاضحیٰ اور قربانی آتی ہے اور مسلمانوں کو بھولا ہوا سبق یادلاتی اور جگاتی ہے۔ غور کریں تو ’قربانی‘ کی یہ تاریخ حضرت آدم علیہ السلام کے دو بیٹوں ہابیل و قابیل سے شروع ہوتی ہے۔ روئے زمین پر یہ سب سے پہلی قربانی تھی ارشاد ربانی ہے: ”اور آپ اہل کتاب کو آدم کے دو بیٹوں کا واقعہ صحیح طور پر پڑھ کر سنا دیجئے، جب ان میں سے ہر ایک نے اللہ کے لیے کچھ نیاز پیش کی تو ان میں سے ایک کی نیاز قبول ہوگئی، اور دوسرے کی قبول نہیں کی گئی“۔ علامہ ابن کثیر رحمہ اللہ نے اس آیت کے تحت حضرت ابن عباس رضی اللہ عنہ سے روایت نقل کی ہے کہ ہابیل نے مینڈھے کی قربانی کی اور قابیل نے کھیت کی پیداوار میں سے کچھ غلہ صدقہ کر کے قربانی پیش کی، اُس زمانے کے دستور کے موافق آسمانی آگ نازل ہوئی اور ہابیل کے مینڈھے کو کھالیا، قابیل کی قربانی کو چھوڑ دیا۔
قرآن پاک میں قربانی کا فلسفہ سمجھاتے ہوئے اللہ تعالیٰ نے بندوں سے کہا: ”ہم نے تمہارے لیے قربانی کے اُونٹوں کو عبادت الٰہی کی نشانی اور یادگار مقرر کیا ہے، ان میں تمہارے لیے اور بھی فائدے ہیں، سو تم اُن کو نحر کرتے وقت قطار میں کھڑا کر کے اُن پر اللہ کا نام لیا کرو اور پھر جب وہ اپنے پہلو پر گر پڑیں تو اُن کے گوشت میں سے تم خود بھی کھانا چاہو تو کھاؤ اور فقیر کو بھی کھلاؤ، خواہ وہ صبر سے بیٹھنے والا ہو یا سوال کرتا پھرتا ہو، جس طرح ہم نے ان جانوروں کی قربانی کا حال بیان کیا، اسی طرح اُن کو تمہارا تابع دار بنایا؛ تاکہ تم شکر بجالاؤ! اللہ تعالیٰ کے پاس ان قربانیوں کا گوشت اور خون ہرگز نہیں پہنچتا؛ بلکہ اس کے پاس تمہاری پرہیزگاری پہنچتی ہے، اللہ تعالیٰ نے ان جانوروں کو تمہارے لیے اس طرح مسخر کر دیا ہے؛ تاکہ تم اس احسان پر اللہ تعالیٰ کی بڑائی کرو کہ اس نے تم کو قربانی کی صحیح راہ بتائی، اور اے پیغمبر! مخلصین کو خوش خبری سنا دیجئے“ (قرآن)۔
قدیم تاریخ پر نظر ڈالیں تو پتہ چلتا ہے کہ پہلے معبود کے نام پر انسانی جانوں کو قربان کرنے کا رواج تھا، آج بھی بعض وحشی قبائل بتوں پر انسانی جانیں بھینٹ چڑھا تے ہیں، جانے انجانے میں روز معبود کے نام پر انسانوں کی بلی چڑھائی جا رہی ہے۔ حضرت ابراہیم علیہ السلام اور حضرت اسماعیل یعنی باپ کا جذبہ اور بیٹے کے صبر نے قربانی کی جو تاریخ رقم کی اس سے انسانی دنیا محو حیرت ہے، پروردگار کو دونوں کا کردار اتنا پسند آیا کہ انسانی قربانی کو جانوروں کی قربانی سے بدل دیا اور رہتی دنیا تک کے لئے اس کو یادگار بنادیا۔
دنیا بنانے والے کا ایک سسٹم اور نظام ہے، جس کے تحت سنسار چلتا ہے اور انسانوں کو رہبری ملتی ہے۔ انبیاء کا یکے بعد دیگر روئے زمین پر آنا اور جدوجہد کرنا اور بکھرے ہوئے گیسوؤں کو سنوارنا اسی نظام کا حصہ ہے۔ اللہ کے خلیل بھی اسی سسٹم کے تحت روئے زمین پر آئے، ان کی زندگی کا جائزہ لیا جائے تو یہ پتہ چلتا ہے کہ دیگر نبیوں کی طرح ان کا دور بھی اہل ایمان اور حق پرستوں کے لیے سازگار نہیں تھا، توحید کے متوالے حضرت ابراہیم کا بتوں کو توڑنا اور ایمان ویقین کے ساتھ نار نمرود میں کود جانا اور پھر بیٹے کی قربانی کی آزمائش میں کھڑا اترنا؛ یہ وہ عوامل ہیں جو صرف قصے کہانی اور تاریخ کے ایک باب تک منحصر نہیں۔ یہ ایمان والوں کو جھنجھوڑتا ہے اور جگاتا ہے، چیخ چیخ کر کہتا ہے کہ ابتلاء و آزمائش ایمان کا لازمی عنصر ہے۔ جہاں ایمان ہوگا وہاں آزمائشوں کا طوفان ضرور آئے گا، امتحانات کے تھپیڑے پڑیں گے، ٹوٹ پھوٹ ہوگی، جان و مال، عزت و آبرو کی قربانیاں دینی ہوں گی۔ قرآن میں اللہ تعالیٰ فرماتا ہے کہ ”کیا لوگوں نے یہ سمجھ رکھا ہے کہ انہیں یوں ہی چھوڑ دیا جائے گا کہ بس وہ یہ کہہ دیں ”ہم ایمان لے آئے، اور انہیں آزمایا نہ جائے؟ حالانکہ ہم نے ان سب کی آزمائش کی ہے جو ان سے پہلے گزر چکے ہیں“۔ (العنکبوت)
آپ نے اپنی مختصر سی زندگی میں دیکھا اور مشاہدہ کیا ہوگا، اگر نہیں تو بڑے بوڑھوں اور اہل علم سے سنا ہوگا کہ آزمائشوں سے آدمیت نکھرتی ہے، امتحانات سے کھرے اور کھوٹے کی پرکھ ہوتی ہے اور قربانی کی بھٹی سے انسان کندن بن کر نکلتا ہے اور پھر وہی انسان اس بلند مقام پر فائز ہو جاتا ہے کہ کوئی اس کو ڈرا دھمکا نہیں سکتا، سچائی کی راہ سے ڈگمگا نہیں سکتا، وہ آنکھ میں آنکھیں ڈال کر بات کرتا ہے، اپنی توحید اور ایمان کی شرط پر سر اٹھا کر جیتا ہے، وہ رب کے علاوہ کسی کے سامنے جھکتا نہیں۔ حضرت آدم علیہ السلام سے لیکر ہم سب کے آقا و مولیٰ نبی آخر الزماں جناب محمد رسول اللہ صلی اللہ علیہ وسلم تک سبھی انبیاء کی زندگی اور تعلیمات آزمائشوں سے بھری پڑی ہیں۔ آپ نے دیکھا کہ سیدنا حضرت ابراہیم علیہ السلام کی زندگی کن امتحانات سے گزری، بڑھاپے میں بیٹے کا ملنا، پھر قربانی کا حکم اور اسے اللہ کی راہ میں قربانی کے لیے پیش کر دینا: کتنی بڑی آزمائش تھی، کیسے باپ اور بیٹے نے آگ کا یہ دریا پار کیا اور دونوں جہاں میں سرخرو ہوئے۔
آج بھی ہو جو براہیم سا ایماں پیدا
آگ کر سکتی ہے انداز گلستاں پیدا
علامہ اقبال کے بقول: مسلم اقوام تہذیب حاضر کی آگ کا ایندھن بن چکی ہیں۔ لیکن اگر یہ امت اپنے اندر حضرت ابراہیم علیہ السلام جیسا ایمان پیدا کر لے تو اس آگ کو بھی گلزار بنایا جاسکتا ہے۔
ایمان و توحید کی زندگی گزارنی ہے تو آزمائش اور مصیبت ضرور آئے گی۔ بچہ ہو کہ بوڑھا، جوان ہو کہ ادھیڑ، مرد ہو کہ عورت ہر ایک کو کسی نہ کسی مرحلہ میں آزمائشی دور سے گزرنا ہوگا۔ یہ ابتلاء، آزمائش اور امتحان کبھی انفرادی ہوتی ہے تو کبھی اجتماعی، کبھی آزمائش دین کی بنیاد پر ہوتی ہے تو کبھی دنیوی اعتبار سے پرکھا جاتا ہے۔ اسلامی تاریخ کو پڑھیے تو معلوم ہوگا کہ مٹھی بھر مسلمانوں کے ساتھ کیا ہوا، وہ کس طرح ہر آزمائش میں پورے اترے، ہر مصیبت کا جواں مردی سے مقابلہ کیا، وہ ہمت و حوصلہ کے ساتھ آگے بڑھے تو پروردگار نے انہیں ہر میدان میں سرخرو کیا۔
ہندوستان میں ان دنوں مسلمانوں کو مختلف آزمائشوں کا سامنا ہے، کئی محاذوں پر الجھانے کی کوشش کی جارہی ہے، وہ گہری آزمائش سے دو چار ہیں۔ وقف ترمیمی بل کا معاملہ ہو، مدارس و مکاتب کا سروے ہو یا حجاب کا معاملہ، مسجد و مندر کا قضیہ ہو یا لو جہاد کا طوفان یا پھر یکساں سول کوڈ کی بات؛ مسلمان ایک منظم سازش کے تحت مختلف محاذوں پر الجھائے جارہے ہیں۔ ایک فتنہ ختم اور ٹھنڈا نہیں ہو پاتا کہ دوسرا فتنہ سر اٹھا لیتا ہے۔ ایسے میں اگر مسلمانوں نے آپا کھو دیا تو وہ پورے طور پر دشمنوں کے نرغے میں آجائیں گے۔ مسلمانوں کو ٹھنڈے دماغ اور خلوص نیت کے ساتھ ان سازشوں کو سمجھنا اور اس کا ریسرچ کرنا ہوگا اور پھر ایمانی فراست اور نئی حکمت عملی کے ساتھ آگے بڑھنا ہوگا۔
اخیر میں ہم یہی کہنا چاہیں گے کہ مسلمان وسیع تر معنوں میں قربانی کے پیغام کو سمجھیں، اللہ سے مدد چاہیں، جذبہ خلیل اور صبر جمیل کا مظاہرہ کریں۔ مسلمان جس ملک میں رہتے ہیں، ان پر لازم ہے کہ وہاں کے قوانین کی پابندی کریں۔ اگر وہ قوانین ظالمانہ ہوں، دین و شریعت سے ٹکراتے ہوں تو انھیں حکمت عملی اور تدبر سے بدلنے کی کوشش کریں۔ جذبات میں آکر الٹی سیدھی حرکتیں نہ کریں، ورنہ بھڑکانے والے کامیاب ہو جائیں گے اور آپ مشکلات میں پھنس جائیں گے، اسوۂ نبوی ہمیں یہی سکھاتا ہے۔ موجودہ سلگتے ماحول میں قربانی کا پیغام یہ ہے کہ اگر آپ دکھ جھیل کر، زخم کھا کر اور تکلیف سہ کر حق کی پاسبانی کرتے رہے تو مورچہ بندی کے سامنے کسی کا بس نہ چلے گا۔ مسلمانوں کے لئے حکمت عملی، جرأت، منظم اقدام، پہلا اور کارگر ہتھیار ہے، جس کے سامنے باطل کے پاسباں نہ پہلے کبھی ٹھہرے ہیں نہ آج ٹھہر سکیں گے۔
1 day ago | [YT] | 162
View 0 replies
Fikr o Nazar TV
امیرِ شریعت، مفکرِ ملت، حضرت مولانا احمد ولی فیصل رحمانی دامت برکاتہم، سجادہ نشیں خانقاہِ رحمانی مونگیر نے مونگیر کی تاریخی اور وسیع و عریض عیدگاہ میں عیدالاضحیٰ کی نماز کی امامت فرمائی۔ نماز کے بعد حضرت نے حاضرین سے نہایت ایمان افروز، علمی و روحانی خطاب فرمایا، جس سے فرزندانِ توحید نے بھرپور استفادہ کیا۔ پیش ہیں اس روح پرور اجتماع کی چند خوبصورت تصویری جھلکیاں۔
حضرت کا مکمل خطاب بہت جلد فکر و نظر ٹی وی کے یوٹیوب، فیس بک اور انسٹاگرام پلیٹ فارمز پر نشر کیا جائے گا۔ دیکھیے اور جڑے رہیے فکر و نظر ٹی وی کے ساتھ۔
अमीर-ए-शरीअत, मुफक्किर-ए-मिल्लत, हज़रत मौलाना अहमद वली फैसल रहमानी दामत बरकातुहुम, सज्जादा नशीन खानकाह रहमानी मुंगेर ने मुंगेर की ऐतिहासिक और विशाल ईदगाह में ईद-उल-अज़हा की नमाज़ पढ़ाई। नमाज़ के बाद हज़रत ने एक अत्यंत इल्मी, रूहानी और ईमान अफ़रोज़ ख़िताब फरमाया, जिससे बड़ी संख्या में मौजूद लोगों ने भरपूर इस्तिफादा किया। पेश हैं इस रूह परवर इज्तिमा की कुछ खूबसूरत तस्वीरें।
हज़रत का पूरा ख़िताब बहुत जल्द Fikr o Nazar TV के YouTube, Facebook और Instagram प्लेटफ़ॉर्म्स पर अपलोड किया जाएगा। देखते रहिए और जुड़े रहिए Fikr o Nazar TV के साथ।
Ameer-e-Shariat, Mufakkir-e-Millat, Hazrat Maulana Ahmad Wali Faisal Rahmani Damat Barakatuhum, Sajjadah Nasheen of Khanqah Rahmani Munger, led the Eid-ul-Adha prayer at the historic and vast Eidgah of Munger. After the prayer, Hazrat delivered a spiritually uplifting, scholarly, and inspiring address from which a large gathering benefited immensely. Here are a few beautiful glimpses from this soul-enriching congregation.
Hazrat’s complete address will be uploaded shortly on Fikr o Nazar TV’s YouTube, Facebook, and Instagram platforms. Stay connected with Fikr o Nazar TV.
1 day ago | [YT] | 459
View 2 replies
Fikr o Nazar TV
3 days ago | [YT] | 277
View 0 replies
Fikr o Nazar TV
امریکی وزیر خارجہ مارکو روبیو نے اہلیہ جینیٹ کے ساتھ کیا تاج محل کا دیدار
امریکی وزیر خارجہ مارکو روبیو نے اپنے دورۂ ہندوستان کے تیسرے دن اہلیہ جینیٹ کے ساتھ تاج محل کا دیدار کیا۔ وہ جے پور بھی گئے، جہاں ثقافتی ورثے سے واقف ہوئے۔ دورے کا مقصد باہمی تعاون مضبوط کرنا ہے
4 days ago | [YT] | 100
View 0 replies
Fikr o Nazar TV
نیٹ امتحان معاملہ: سپریم کورٹ نے سی بی آئی، این ٹی اے اور مرکزی حکومت کو نوٹس جاری کر مانگا جواب
فیڈریشن آف آل انڈیا میڈیکل ایسوسی ایشن (ایف اے آئی ایم اے) اور یونائٹڈ ڈاکٹرس فرنٹ کی عرضی پر سپریم کورٹ نے مرکزی حکومت، این ٹی اے اور سی بی آئی کو نوٹس جاری کر جواب مانگا ہے۔
4 days ago | [YT] | 94
View 1 reply
Fikr o Nazar TV
موکاما سے جے ڈی یو ایم ایل اے اننت سنگھ کو گوپال گنج عدالت سے بڑی راحت ملی ہے۔ گوپال گنج کے اے ڈی جے سوم و خصوصی MP/MLA عدالت نے ان کی گرفتاری پر 30 مئی تک روک لگا دی ہے۔
۷/ ذی الحجہ ١٤٤٧ھ
بروز سوموار
4 days ago | [YT] | 56
View 0 replies
Fikr o Nazar TV
تمل ناڈو: سنگین جرائم میں ملوث افراد کے خلاف جلد مقدمہ چلایا جائے - وزیر اعلیٰ وجے
۷/ ذی الحجہ ١٤٤٧ھ
بروز سوموار
4 days ago | [YT] | 96
View 0 replies
Fikr o Nazar TV
غزہ جنگ سے واپسی کے بعد ایک اسرائیلی فوجی کی خودکشی کی خبر منظرِ عام پر آئی ہے، جس نے اسرائیلی فوج میں بڑھتے ہوئے ذہنی دباؤ اور نفسیاتی بحران سے متعلق نئی تشویش پیدا کر دی ہے۔ رپورٹس کے مطابق جنگی محاذ سے لوٹنے والے کئی فوجیوں میں شدید ذہنی صدمے اور نفسیاتی مسائل تیزی سے بڑھ رہے ہیں، جنہیں ماہرین جنگ کے اثرات سے پیدا ہونے والا ٹراما قرار دے رہے ہیں۔ اطلاعات میں کہا گیا ہے کہ غزہ میں کارروائیوں میں شریک بعض فوجی واپسی کے بعد شدید اضطراب، ذہنی تناؤ اور پوسٹ ٹرامیٹک اسٹریس ڈس آرڈر (PTSD) جیسے عوارض کا سامنا کر رہے ہیں، جس کے باعث فوجی اہلکاروں کی ذہنی صحت پر سوالات مزید گہرے ہو گئے ہیں۔
۷/ ذی الحجہ ١٤٤٧ھ
بروز سوموار
4 days ago | [YT] | 60
View 0 replies
Fikr o Nazar TV
سپریم کورٹ میں ایک نئی عرضی دائر ہونے کی خبریں سامنے آئی ہیں، جس میں “کاکروچ جنتا پارٹی” سے وابستہ افراد کے خلاف CBI تحقیقات اور FIR درج کرنے کا مطالبہ کیا گیا ہے۔
یہ معاملہ اس متنازع سوشل میڈیا گروہ سے متعلق ہے جو گزشتہ کچھ دنوں سے اپنے بیانات اور سرگرمیوں کی وجہ سے مسلسل خبروں اور بحث کا مرکز بنا ہوا ہے۔
درخواست گزار نے عدالتِ عظمیٰ سے اپیل کی ہے کہ معاملے کی حساسیت کو مدنظر رکھتے ہوئے CBI کے ذریعے مکمل جانچ کرائی جائے اور متعلقہ افراد کے خلاف قانونی کارروائی عمل میں لائی جائے۔
۷/ ذی الحجہ ١٤٤٧ھ
بروز سوموار
4 days ago | [YT] | 51
View 0 replies
Fikr o Nazar TV
سعودی عرب نے حج 2026 کے لیے انتظامات کو حتمی شکل دینا شروع کر دی ہے، جہاں اس سال تقریباً 20 لاکھ عازمینِ حج کی آمد کا امکان ظاہر کیا جا رہا ہے۔ بڑھتی ہوئی تعداد کو دیکھتے ہوئے سکیورٹی، نگرانی اور ہجوم کے نظم و نسق کے اقدامات مزید مؤثر بنا دیے گئے ہیں۔
وزارتِ حج کے مطابق عازمین کی آمد و رفت کو بہتر طریقے سے کنٹرول کرنے، غیر قانونی داخلے کی روک تھام اور رش پر قابو پانے کے لیے جدید ٹیکنالوجی اور اسمارٹ مانیٹرنگ سسٹمز استعمال کیے جا رہے ہیں۔
سرکاری اعداد و شمار کے مطابق اب تک 15 لاکھ سے زیادہ بیرونی عازمین سعودی عرب پہنچ چکے ہیں، جبکہ حج سیزن کے اختتام تک یہ تعداد 18 سے 20 لاکھ تک پہنچنے کی توقع ہے۔ اس عظیم اجتماع کے انتظام کے لیے جدید ڈیجیٹل نگرانی، خصوصی سکیورٹی فورسز اور ہجوم کنٹرول نظام کو مزید مضبوط کیا گیا ہے۔
۷/ ذی الحجہ ١٤٤٧ھ
بروز سوموار
4 days ago | [YT] | 100
View 1 reply
Load more