VM SADIQUE ALI - Invidious

VM SADIQUE ALI

🌿📸 Welcome to VM Sadique Ali's Wildlife Adventures! 📸🌿

VM Sadique Ali is a dedicated wildlife photographer and conservationist from Kerala, India. Join VM Sadique Ali, a passionate wildlife photographer and conservationist from Kerala, India, as he takes you on an awe-inspiring journey through the natural world. Discover breathtaking wildlife photography, learn about crucial conservation efforts, and get inspired to protect our planet's incredible biodiversity.

Sadique's commitment extends beyond photography; he actively participates in conservation efforts, such as the eradication of invasive plants in the Nedunkayam Rain Forest and the establishment of a plastic check post to combat littering in Nadukanichiram.

🔔 Subscribe for stunning visuals, conservation stories, and educational content that will ignite your love for nature.

#WildlifePhotography #Conservation #NatureLovers #SaveOurPlanet #VMSadiqueAli

View channel on YouTube

Switch Invidious Instance

Videos

Shorts

Livestreams

Posts

VM SADIQUE ALI

നാടുകാണി ചുരം മാസ്സ് ക്ലീനിങ്... സത്യം രേഖകളിലൂടെ.

2026 മെയ് 3-ന് നടന്ന നാടുകാണി ചുരം മാസ്സ് ക്ലീനിങ് ക്യാമ്പയിൻ സംബന്ധിച്ച്, വിവരാവകാശ നിയമപ്രകാരം വഴിക്കടവ് ഗ്രാമപഞ്ചായത്തിൽ നിന്ന് വിവരങ്ങൾ ആവശ്യപ്പെട്ടു.

ലഭിച്ച മറുപടികൾ പരിശോധിച്ചപ്പോൾ ചില ഗുരുതരമായ വൈരുധ്യങ്ങൾ ശ്രദ്ധയിൽപ്പെട്ടു.
വിവരാവകാശ മറുപടിയിൽ പറയുന്നത്...

ഈ പരിപാടിക്കായി ഗ്രാമപഞ്ചായത്ത് ഒരു രൂപ പോലും ചെലവഴിച്ചിട്ടില്ല.
പരിപാടിയുടെ ഔദ്യോഗിക ഓർഗനൈസറെ പ്രത്യേകം രേഖപ്പെടുത്തിയിട്ടില്ല.
പങ്കെടുത്തവരുടെ എണ്ണം, രജിസ്ട്രേഷൻ, വിവിധ സർക്കാർ വകുപ്പുകളുടെ ചുമതലകൾ, ശേഖരിച്ച മാലിന്യത്തിന്റെ ആകെ അളവ് എന്നിവയും രേഖപ്പെടുത്തി സൂക്ഷിച്ചിട്ടില്ല എന്നാണ് മറുപടി.

പക്ഷേ...
ഈ ക്ലീനിങ് ഡ്രൈവിൽ 5,570 കിലോഗ്രാം മാലിന്യം ശേഖരിക്കപ്പെട്ടു.
അത് 15 വ്യത്യസ്ത വിഭാഗങ്ങളിലായി തരംതിരിക്കുകയും ചെയ്തു.
ഇതിന് ഔദ്യോഗിക Waste Collection Report നിലവിലുണ്ട്.
മറ്റൊരു വൈരുധ്യം...

വിവരാവകാശ മറുപടിയിൽ മാലിന്യം Clean Hopes, Eliminator Waste Management Technology, ഹരിത കർമ്മസേന എന്നിവർ ചേർന്നാണ് കൈകാര്യം ചെയ്തതെന്ന് പറയുന്നു.

എന്നാൽ, ലഭ്യമായ ഔദ്യോഗിക രേഖകൾ പ്രകാരം മാലിന്യം ശേഖരിച്ചതും, തരംതിരിച്ചതും, കൈകാര്യം ചെയ്തതും Clean Hopes Waste Management മാത്രമാണ്.
അപ്പോൾ ചോദ്യം ഇതാണ്...

രേഖകളിലൂടെ തെളിയിക്കാവുന്ന വിവരങ്ങൾ ഉണ്ടായിരിക്കെ, വിവരാവകാശ നിയമപ്രകാരം നൽകിയ മറുപടിയിൽ അവ രേഖപ്പെടുത്തിയിട്ടില്ലാത്തത് എന്തുകൊണ്ട്?

വിവരാവകാശ നിയമത്തിൽ ചോദിച്ച ചോദ്യങ്ങളും ഉത്തരങ്ങളും ഒരു വീഡിയോയിൽ ഞാൻ നിങ്ങൾക്ക് മുന്നിൽ അവതരിപ്പിക്കാം. സത്യം രേഖകളിലൂടെ സംസാരിക്കട്ടെ.

വി. എം. സാദിഖ് അലി

3 days ago | [YT] | 88

View 2 replies

VM SADIQUE ALI

ഹെലികോപ്റ്ററിന്റെ ശബ്ദമെന്ന് കരുതി… തല ഉയർത്തി നോക്കിയപ്പോൾ കേരളത്തിന്റെ സംസ്ഥാന പക്ഷി!

ഓരോ മാസവും ആദ്യ ഞായറാഴ്ച നാടുകാണി ചുരത്തിലെ കേരള–തമിഴ്നാട് അതിർത്തി മുതൽ റോഡ് മാർഗം നടത്തുന്ന "നാടുകാണി ചുരം യാത്ര" ആരംഭിക്കാൻ പ്രചോദനമായത്, മെയ് 3-ന് നടത്തിയ മാസ് ക്ലീനിങ് ഡ്രൈവ് ആയിരുന്നു.

ചുരത്തിന്റെ യഥാർത്ഥ സ്ഥിതിഗതികൾ മനസ്സിലാക്കാനും, പൊതുജനങ്ങൾക്കും വിദ്യാർത്ഥികൾക്കും പ്രകൃതിയെയും ജൈവവൈവിധ്യത്തെയും അടുത്തറിയാനുള്ള അവസരം ഒരുക്കാനുമാണ് ഈ യാത്ര. പങ്കെടുക്കാൻ ആഗ്രഹിക്കുന്നവർക്ക് Save Nadukani എന്ന സൗജന്യ മൊബൈൽ ആപ്പിലൂടെ രജിസ്റ്റർ ചെയ്യാം.

ജൂലൈ 5-ന് നടന്ന ഈ മാസത്തെ യാത്രയിൽ, രാവിലെ 9 മണിക്ക് കേരള–തമിഴ്നാട് അതിർത്തിയിൽ നിന്ന് യാത്ര ആരംഭിക്കാൻ ഒരുങ്ങുമ്പോഴായിരുന്നു ആ മറക്കാനാകാത്ത കാഴ്ച.

പെട്ടെന്ന്, ഞങ്ങളുടെ തലയ്ക്ക് മുകളിലൂടെ ഒരു ഹെലികോപ്റ്റർ പറക്കുന്ന പോലെ ശക്തമായ ശബ്ദം കേട്ടു. ആദ്യം ആ ശബ്ദം ശ്രദ്ധിച്ചത് അജ്മൽ സാറായിരുന്നു.

തല ഉയർത്തി നോക്കിയപ്പോൾ…

അതെ… കേരളത്തിന്റെ സംസ്ഥാന പക്ഷിയായ മലമുഴക്കി വേഴാമ്പൽ (Great Hornbill)!

കട്ട ചുവന്ന കണ്ണുകൾ, അതിനുള്ളിലെ കറുത്ത കൃഷ്ണമണി, അതിഗംഭീരമായ മഞ്ഞ നിറമുള്ള കൊക്കും കാസ്കും—ഒരു ആൺ വേഴാമ്പൽ. തന്റെ ഇണയെ തേടിയിറങ്ങിയതാകാം.

മഴയും കോടമഞ്ഞും കാരണം അത് ഒരു മരക്കൊമ്പിൽ ശാന്തമായി ഇരുന്നു. ഞങ്ങൾ കുറച്ചുനേരം അതിനെ നിരീക്ഷിച്ചു. കൂടെയുണ്ടായിരുന്ന എല്ലാവർക്കും ആ അപൂർവ കാഴ്ച കാണിച്ചുകൊടുത്തു.

അൽപസമയം കഴിഞ്ഞപ്പോൾ, തന്റെ ഭീമാകാരമായ ചിറകുകൾ വിടർത്തി, വനം മുഴുവൻ മുഴങ്ങുന്ന ചിറകടി ശബ്ദത്തോടെ കോടമഞ്ഞിലേക്ക് പറന്നകന്നു.

ആ നിമിഷം വീണ്ടും ഒരിക്കൽ കൂടി ഓർമ്മിപ്പിച്ചത് ഇതാണ്.

നാടുകാണി ചുരം ഒരു റോഡ് മാത്രമല്ല; പശ്ചിമഘട്ടത്തിന്റെ അത്യപൂർവ ജൈവവൈവിധ്യത്തിന്റെ ജീവനാഡിയാണ്.

മലമുഴക്കി വേഴാമ്പൽ പോലുള്ള അപൂർവ ജീവജാലങ്ങൾ സ്വതന്ത്രമായി ജീവിക്കുന്ന ഈ വനഭൂമിയെ നശിപ്പിക്കാതെ, വരും തലമുറകൾക്കായി സംരക്ഷിക്കേണ്ടത് നമ്മുടെ ഓരോരുത്തരുടെയും ഉത്തരവാദിത്തമാണ്.

നാടുകാണിയെ സ്നേഹിക്കൂ.
നാടുകാണിയെ സംരക്ഷിക്കൂ.

വി. എം. സാദിഖ് അലി

4 days ago | [YT] | 89

View 1 reply

VM SADIQUE ALI

ഞാൻ പരിസ്ഥിതി പ്രവർത്തകനാണ്, പരിസ്ഥിതി തീവ്രവാദിയല്ല.

പ്രകൃതിയെ സ്നേഹിക്കുകയും സംരക്ഷിക്കുകയും ചെയ്യുക എന്നതാണ് എന്റെ ദൗത്യം. അതിന്റെ പേരിൽ ആരെയും ശത്രുവായി കാണുകയോ ഏതെങ്കിലും സംവിധാനത്തെ എതിർക്കുകയോ ചെയ്യുന്നത് എന്റെ രീതിയല്ല.

പരിസ്ഥിതി സംരക്ഷണം സംഘർഷത്തിന്റെ വഴിയല്ല; സഹകരണത്തിന്റെ വഴിയാണ്. ജനങ്ങളോടും വിദ്യാർത്ഥികളോടും പരിസ്ഥിതി വിദ്യാഭ്യാസം പങ്കുവെക്കുക, സിവിക് സെൻസ് വളർത്തുക, സർക്കാർ സംവിധാനങ്ങളുമായും ഉദ്യോഗസ്ഥരുമായും തദ്ദേശസ്വയംഭരണ സ്ഥാപനങ്ങളുമായും കൈകോർത്ത് നല്ല മാറ്റങ്ങൾ സൃഷ്ടിക്കുക — അതുതന്നെയാണ് ഞാൻ വിശ്വസിക്കുന്ന വഴി.

ചിലർ പറയാറുണ്ട്, ഞാൻ സിസ്റ്റത്തിനും ഭരണകൂടത്തിനും സർക്കാർ സംവിധാനങ്ങൾക്കും എതിരാണെന്ന്. എന്നാൽ യാഥാർഥ്യം അതല്ല.

ഞാൻ ഒരു സംവിധാനത്തിനും എതിരല്ല. മറിച്ച്, ഓരോ സംവിധാനവും അതിന്റെ ഉത്തരവാദിത്വം ആത്മാർത്ഥമായി നിർവഹിക്കണം എന്നതാണ് എന്റെ നിലപാട്. ഒരു വിഷയത്തിൽ സത്യസന്ധമായി ഇടപെടുമ്പോൾ ഒപ്പം നിൽക്കുന്നവർ ധാരാളമുണ്ട്. എന്നാൽ യാതൊരു പ്രവർത്തനത്തിലും പങ്കാളികളാകാതെ വിമർശനം മാത്രം നടത്തുന്നവരാണ് പലപ്പോഴും തെറ്റായ പ്രചാരണങ്ങൾ നടത്തുന്നത്.

തെറ്റുകൾ കണ്ടാൽ ഞാൻ ചൂണ്ടിക്കാണിക്കും. പരിഹാരങ്ങൾ നിർദേശിക്കും. ഉത്തരവാദിത്വം ഓർമ്മിപ്പിക്കും. എന്നാൽ അത് വ്യക്തികളോടുള്ള വിരോധം കൊണ്ടല്ല; പ്രകൃതിയോടും സമൂഹത്തോടുമുള്ള സ്നേഹം കൊണ്ടാണ്. വിമർശനം എന്റെ ലക്ഷ്യമല്ല; മാറ്റമാണ് എന്റെ ലക്ഷ്യം.

എന്റെ സ്വപ്നം വളരെ ലളിതമാണ്. പരിസ്ഥിതി വിദ്യാഭ്യാസം കൂടുതൽ ആളുകളിലേക്കും, പ്രത്യേകിച്ച് വിദ്യാർത്ഥികളിലേക്കും എത്തണം. സമൂഹത്തിൽ സിവിക് സെൻസ് വളരണം. പൊതുസ്ഥലങ്ങളും കാടുകളും പുഴകളും മലകളും പ്രകൃതിയും സംരക്ഷിക്കുക എന്നത് ഓരോ പൗരന്റെയും ഉത്തരവാദിത്വമാണെന്ന ബോധം വളരണം.

പൊതുസേവന രംഗത്ത് പ്രവർത്തിക്കുന്ന ഓരോരുത്തരും ഒരു കാര്യം ഓർക്കണം. ജനങ്ങളുടെ നികുതിപ്പണമാണ് അവരുടെ ശമ്പളത്തിന്റെ അടിസ്ഥാനം. അതുകൊണ്ട് ഉത്തരവാദിത്വത്തോടെയും ആത്മാർത്ഥതയോടെയും ജനങ്ങൾക്ക് സേവനം ചെയ്യുക എന്നത് ഒരു ഔദ്യോഗിക ബാധ്യത മാത്രമല്ല, ഒരു സാമൂഹിക ഉത്തരവാദിത്വം കൂടിയാണ്.

ഞാൻ ആരെയും എതിർക്കാനല്ല പ്രവർത്തിക്കുന്നത്. ഒരു സംവിധാനത്തെ തകർക്കാനോ ആരെയെങ്കിലും കുറ്റപ്പെടുത്താനോ അല്ല എന്റെ യാത്ര. സമൂഹത്തിനും പ്രകൃതിക്കും നല്ല മാറ്റങ്ങൾ ഉണ്ടാകണം, വരും തലമുറയ്ക്ക് ജീവിക്കാൻ കഴിയുന്ന ഒരു ഭൂമി കൈമാറണം—ആ ആഗ്രഹമാണ് എന്നെ മുന്നോട്ട് നയിക്കുന്നത്.

ഞാൻ പരിസ്ഥിതി പ്രവർത്തകനാണ്. പരിസ്ഥിതി തീവ്രവാദിയല്ല. മാറ്റത്തിനുവേണ്ടി പ്രവർത്തിക്കുന്ന ഒരു സാധാരണ മനുഷ്യൻ മാത്രമാണ്.

വി. എം സാദിഖ് അലി

5 days ago | [YT] | 207

View 13 replies

VM SADIQUE ALI

നടന്ന് അറിയാം... നാടുകാണിയെ സംരക്ഷിക്കാം!

ഓരോ മാസവും ആദ്യ ഞായറാഴ്ച, നാടുകാണി കേരള–തമിഴ്നാട് അതിർത്തിയിൽ നിന്ന് ആരംഭിക്കുന്ന ബോധവൽക്കരണ യാത്ര തുടർന്നുകൊണ്ടിരിക്കുന്നു.

നാടുകാണിയുടെ പ്രകൃതി സമ്പത്തിനെക്കുറിച്ചും, മാലിന്യങ്ങൾ വലിച്ചെറിയുന്നതിന്റെ അപകടങ്ങളെക്കുറിച്ചും പൊതുജനങ്ങളിൽ ബോധവൽക്കരണം സൃഷ്ടിക്കുക എന്നതാണ് ഈ യാത്രയുടെ പ്രധാന ലക്ഷ്യം.

ഈ യാത്ര പൂർണ്ണമായും സൗജന്യമാണ്. അതിനാൽ പങ്കെടുക്കുന്ന ഓരോരുത്തരും തങ്ങളുടെ ഉത്തരവാദിത്വത്തിൽ ആയിരിക്കും പങ്കെടുക്കേണ്ടത്.

📅 അടുത്ത യാത്ര: 2026 ഓഗസ്റ്റ് 2
🕘 രാവിലെ 9:00 മണിക്ക്
📍 ആരംഭസ്ഥലം: നാടുകാണി കേരള–തമിഴ്നാട് അതിർത്തി

പങ്കെടുക്കാൻ താൽപര്യമുള്ളവർ “Save Nadukani” ആപ്പിലൂടെ സൗജന്യമായി രജിസ്റ്റർ ചെയ്യാവുന്നതാണ്.

ഈ യാത്രയുമായി ബന്ധപ്പെട്ട വാട്ട്സ്ആപ്പ് ഗ്രൂപ്പിൽ അംഗമാകാൻ, ആപ്പിൽ നൽകിയിരിക്കുന്ന “Join to Community” ഐക്കൺ ഉപയോഗിക്കുക.

📱 “Save Nadukani” ആപ്പ് iOS-ലും Android-ലും ലഭ്യമാണ്.

നമ്മൾ ഒരുമിച്ച് നാടുകാണിയെ സംരക്ഷിക്കാം 🌿

വി.എം സാദിഖ് അലി

1 week ago | [YT] | 120

View 3 replies

VM SADIQUE ALI

1 month ago | [YT] | 102

View 7 replies

VM SADIQUE ALI

1 month ago | [YT] | 90

View 5 replies

VM SADIQUE ALI

1 month ago | [YT] | 172

View 20 replies

VM SADIQUE ALI

*"നാടുകാണി ചുരം"* മരിച്ചുകൊണ്ടിരിക്കുകയാണ്..!

നമ്മൾ യാത്ര ചെയ്യുമ്പോൾ കണ്ട് ആസ്വദിക്കുന്ന ആ കാട്…
ഇന്ന് മാലിന്യത്തിൽ മുങ്ങി ശ്വാസം മുട്ടുകയാണ്.

പ്ലാസ്റ്റിക് കുപ്പികൾ, ഭക്ഷണ അവശിഷ്ടങ്ങൾ, ഡയപ്പർ, മദ്യക്കുപ്പികൾ, കവറുകൾ…

👉 ഇതെല്ലാം ഒരേ കാര്യം പറയുന്നു
*"മനുഷ്യന്റെ അനാസ്ഥ"*

👉 പക്ഷേ… ഇത് അവസാനമല്ല.
👉 നമ്മൾ ഉണ്ടെങ്കിൽ മാറ്റം ഉറപ്പാണ്.

🌿 *നാടുകാണി ചുരം ക്ലീൻ ഡ്രൈവ് 2026* 🌿
📅 മെയ് 3 (ഞായർ)
⏰ രാവിലെ 8 – 10
📍 10.7 KM – ആനമറി മുതൽ കേരള–തമിഴ്നാട് അതിർത്തി വരെ

👥 1000+ ആളുകൾ
🔹 ഓരോ 250 മീറ്ററിലും ടീം
🔹 വിദ്യാർത്ഥികൾ | പൊതുജനങ്ങൾ

⚠️ ഇത് ഒരു പരിപാടി മാത്രം അല്ല…
👉 *ഇത് ഒരു ഉത്തരവാദിത്വമാണ്*

⚠️ ഇത് ഒരു ക്ലീൻ ഡ്രൈവ് മാത്രം അല്ല…
👉 *ഇത് ഒരു സംരക്ഷണ സമരം ആണ്*

🌿* ഇന്ന് നമുക്ക് പ്രവർത്തിക്കാം…
നാളെ ഈ കാട് ജീവിക്കാനായി.*

👉 നിങ്ങൾ ഉണ്ടോ എന്റെ കൂടെ?
📩 *രജിസ്റ്റർ ചെയ്യാൻ*: forms.gle/y8VyXyKq9pCURzNq5

*വി.എം സാദിഖ് അലി*
9446188810

3 months ago | [YT] | 58

View 1 reply

VM SADIQUE ALI

1 year ago | [YT] | 15

View 4 replies

VM SADIQUE ALI

🐾 മഴക്കാടിന്റെ ഹൃദയത്തിലേക്ക് ഒരു സാഹസിക യാത്ര 🥾

നിലമ്പൂർ വനത്തിലെ നിത്യഹരിത താഴ്‌വരയിലൂടെ ഒരു സാഹസിക ട്രക്കിംഗ്. കരിമ്പുഴ വന്യജീവി സങ്കേതവും, സൈലൻറ് വാലി വനത്തിന്റെയും താഴ്‌വരയിലൂടെ, കണ്ണാടി പോലെ തെളിഞ്ഞ കാട്ടരുവി ഓരത്തിലൂടെ ഒരു സാഹസിക ട്രെക്കിംഗ്. മുകളിലേക്കും താഴേക്കും ഉള്ള ദൂരം 12 കിലോമീറ്ററാണ്.

മെയ് 10 തീയതി വൈകുന്നേരം 3 മണിക്ക് നെടുങ്കയം ഫോറസ്റ്റിൽ എത്തി രെജിസ്ട്രേഷൻ ചെയ്യുക. നിങ്ങൾക്കുള്ള താമസവും ഭക്ഷണവും അവിടെയാണ്. പിറ്റേദിവസം (മെയ് 11) രാവിലെ ടികെ കോളനി എത്തുകയും, അവിടെ നിന്ന് 7 മണിക്ക് പ്രഭാത ഭക്ഷണം കഴിച്ച്, ഉച്ചക്ക് കഴിക്കാനുള്ള ഭക്ഷണപ്പൊതികളുമായി നമ്മൾ ട്രെക്കിംഗ് ആരംഭിക്കും.

വൈകുന്നേരം അഞ്ചുമണിക്ക് ട്രെക്കിങ് അവസാനിക്കും. അവിടെനിന്നും നെടുങ്കയം ഫോറസ്റ്റ് ഡോർമെറ്ററിയിൽ തിരിച്ചെത്തി ക്യാമ്പ് അവസാനിക്കുന്ന രൂപത്തിലാണ് ഈ സാഹസിക യാത്ര പ്ലാൻ ചെയ്തിട്ടുള്ളത്.

'ചോളനായ്ക്കൻ' ഗോത്ര വിഭാഗം ഇടത്താവളമായി തങ്ങുന്ന 'മുട്ടിയള' എന്ന സ്ഥലത്താണ് ട്രെക്കിംങ്ങിന്റെ പ്രധാന പോയിന്റ്. അവിടെത്തിയാൽ കാട്ടാറിന്റെ ഓരത്തു നിന്നും ഉച്ച ഭക്ഷണം കഴിച്ചു തിരികെ ട്രക്കിംഗ് നടത്തും. 12 കിലോമീറ്റർ ആണ് ദൂരം.

നിത്യഹരിത വനമായതിനാൽ ധാരാളം അട്ടകളും പാമ്പുകളും ഈ വനത്തിൽ ഉണ്ട്. അതുകൊണ്ടുതന്നെ, അതിന് അനുയോജ്യമായിട്ടുള്ള 'ട്രക്കിങ്ങിന് ഷൂ' നിങ്ങൾ കരുതണം.

തികച്ചും അഡ്വഞ്ചർ ആയിട്ടുള്ള ഒരു ട്രെക്കിങ് പാതയാണ് ഇത്. മനസ്സുകൊണ്ടും ശരീരംകൊണ്ടും ഉറപ്പുണ്ടങ്കിൽ മാത്രം ഈ യാത്രയിൽ രെജിസ്റ്റേഷൻ ചെയ്യുക.

May 10 – Nedunkayam Forest ല്‍ 3 PM ന് രജിസ്ട്രേഷൻ
May 11 – 7 AM ന് ട്രെക്കിംഗ് ആരംഭിക്കും

🏕️ താമസം, ഭക്ഷണം: Nedunkayam Forest Dormitory
🍱 Pack lunch & breakfast provided

1 year ago | [YT] | 38

View 10 replies