Kerala Government

പ്രകടനപത്രികയിലെ വാഗ്ദാനങ്ങൾ നടപ്പിലാക്കാൻ വിവിധ വകുപ്പുകൾക്ക് നിർദ്ദേശം നൽകിയതായി മുഖ്യമന്ത്രി വി.ഡി സതീശൻ അറിയിച്ചു.

സർക്കാരിന്റെ കാലാവധി അവസാനിക്കുന്ന 2031-ന് മുൻപ് എല്ലാ വാഗ്ദാനങ്ങളും പാലിക്കാൻ ലക്ഷ്യമിട്ടുള്ള 'വിഷൻ 2031' പദ്ധതി നടപ്പാക്കും. ഇതിന്റെ ആദ്യഘട്ടമായി ജൂൺ ഒന്ന് മുതൽ 100 ദിവസത്തെ കർമ്മപരിപാടി ആരംഭിക്കും. വേഗത്തിൽ തീർപ്പാക്കാൻ കഴിയുന്ന വിഷയങ്ങൾ ഈ 100 ദിവസം കൊണ്ട് പരിഹരിക്കുമെന്നും മുഖ്യമന്ത്രി പറഞ്ഞു.

#keralagovernment #VDSatheesan #CabinetDecisions #100DaysProgramme

1 week ago | [YT] | 22

Kerala Government

2026 ഓഗസ്റ്റ് 31-നകം കാലാവധി അവസാനിക്കുന്ന എല്ലാ പി.എസ്.സി റാങ്ക് ലിസ്റ്റുകളുടെയും കാലാവധി 2026 നവംബർ 30 വരെ നീട്ടാൻ പി എസ് സിയ്ക്ക് ശുപാർശ ചെയ്യുമെന്ന് മുഖ്യമന്ത്രി വി.ഡി സതീശൻ അറിയിച്ചു.


#keralagovernment #pscranklist #VDSatheesan #CabinetDecisions

1 week ago | [YT] | 18

Kerala Government

തിരുവനന്തപുരം - കാസർഗോഡ് സിൽവർ ലൈൻ പദ്ധതി റദ്ദാക്കിയതായി മുഖ്യമന്ത്രി വി ഡി സതീശൻ അറിയിച്ചു. പദ്ധതിക്കായി ഭൂമി ഏറ്റെടുക്കുന്നതുമായി ബന്ധപ്പെട്ട് പുറപ്പെടുവിച്ച എല്ലാ വിജ്ഞാപനങ്ങളും മരവിപ്പിച്ചു.

വർഷങ്ങളായി സ്വന്തം ഭൂമി വിൽക്കാനോ പണയപ്പെടുത്താനോ കഴിയാതെ സാധാരണക്കാർ അനുഭവിച്ച ബുദ്ധിമുട്ടുകൾ കണക്കിലെടുത്താണ് തീരുമാനം. സിൽവർ ലൈൻ സമരവുമായി ബന്ധപ്പെട്ട കേസുകൾ പരിശോധിച്ച് പിൻവലിക്കുന്നതിനുള്ള ശുപാർശ സർക്കാർ കോടതിയിൽ സമർപ്പിക്കും.

പദ്ധതിക്കായി സ്ഥാപിച്ചിട്ടുള്ള മഞ്ഞക്കുറ്റികൾ അടിയന്തരമായി നീക്കം ചെയ്യാൻ റവന്യൂ വകുപ്പിന് നിർദ്ദേശം നൽകിയതായും മന്ത്രിസഭാ യോഗത്തിന് ശേഷം നടന്ന വാർത്താ സമ്മേളനത്തിൽ മുഖ്യമന്ത്രി അറിയിച്ചു.


#keralagovernment #VDSatheesan #krail #silverrail

1 week ago | [YT] | 3

Kerala Government

അങ്കണവാടി വർക്കർമാർക്കും ഹെൽപ്പർമാർക്കും പാചക തൊഴിലാളികൾക്കും 1000 രൂപ വീതം വേതനം വർദ്ധിപ്പിക്കാൻ മന്ത്രിസഭ തീരുമാനിച്ചതായി മുഖ്യമന്ത്രി വി.ഡി. സതീശൻ അറിയിച്ചു. പ്രീപ്രൈമറി അധ്യാപകരുടെയും ആയമാരുടെയും വേതനവും 1000 രൂപ വർദ്ധിപ്പിക്കും.
#keralagovernment #VDSatheesan #cwbinetdecisions

1 week ago | [YT] | 15

Kerala Government

ആശാ വർക്കർമാരുടെ ആവശ്യങ്ങൾ പരിഗണിച്ച് ആദ്യഘട്ടമായി ഓണറേറിയത്തിൽ 3000 രൂപ വർദ്ധിപ്പിക്കും. ഇതോടെ ആശാവർക്കർമാരുടെ പ്രതിമാസ വേതനം 9000 രൂപയിൽ നിന്നും 12000 രൂപയായി ഉയരുമെന്ന് മുഖ്യമന്ത്രി വി ഡി സതീശൻ അറിയിച്ചു.
#keralagovernment #ashaworkers #vdsatheesan

1 week ago | [YT] | 123

Kerala Government

വയോജനങ്ങൾക്കായി പ്രത്യേക വകുപ്പ് രൂപീകരിക്കും. രാജ്യത്ത് ആദ്യമായാണ് ഒരു സംസ്ഥാനത്ത് വയോജനങ്ങൾക്കായി പ്രത്യേക വകുപ്പ് രൂപീകരിക്കുന്നത്.
ജപ്പാൻ ഉൾപ്പെടെയുള്ള രാജ്യങ്ങളുടെ മാതൃക പഠിച്ച് വയോജനങ്ങളുടെ ജീവിതനിലവാരം ഉയർത്തുന്നതിനുള്ള സമഗ്ര പദ്ധതികൾ തയ്യാറാക്കും. കേരളം ഒരു പരിഷ്‌കൃത സമൂഹമാണെന്ന് ലോകത്തോട് അഭിമാനത്തോടെ പറയാൻ കഴിയുന്ന തരത്തിൽ മുതിർന്ന പൗരന്മാരെ കരുതലോടെ ചേർത്തുപിടിക്കുന്ന സമീപനമാണ് സർക്കാർ ലക്ഷ്യമിടുന്നതെന്നും മുഖ്യമന്ത്രി വി.ഡി സതീശൻ വ്യക്തമാക്കി.
#keralagovernment #VDSatheesan #keralam #elderlycare

1 week ago | [YT] | 41

Kerala Government

കെഎസ്ആർടിസി ബസുകളിൽ സ്ത്രീകൾക്ക് സൗജന്യ യാത്ര ജൂൺ 15 മുതൽ നടപ്പാക്കുമെന്ന് മുഖ്യമന്ത്രി വി ഡി സതീശൻ ആദ്യ മന്ത്രിസഭാ യോഗത്തിനുശേഷം വാർത്താസമ്മേളനത്തിൽ അറിയിച്ചു. ഇതു സംബന്ധിച്ച വിശദ മാർഗനിർദേശങ്ങൾ പിന്നീട് അറിയിക്കുമെന്നും അദ്ദേഹം പറഞ്ഞു.
#keralagovernment #VDSatheesan #ksrtc

1 week ago | [YT] | 6

Kerala Government

നവകേരളത്തിലെ വികസന ഗാഥ ഒരൊറ്റ പ്ലാറ്റ്ഫോമിൽ !

ഈ പേജ് സന്ദർശിക്കുക

kerala.gov.in/navakeralam_page

#keralagovernment #NavaKeralam

2 months ago | [YT] | 262

Kerala Government

സംസ്ഥാനത്തെ ഗാർഹികേതര പാചകവാതക സിലണ്ടറുകളുടെ ക്ഷാമം പരിഹരിക്കാൻ മുഖ്യമന്ത്രി പിണറായി വിജയൻ്റെ നേതൃത്വത്തിൽ ചേർന്ന ഉന്നതതല യോഗം ചേർന്നു.
പ്രധാന തീരുമാനങ്ങൾ ഇവയാണ്:
🔸നിരീക്ഷണവും ഏകോപനവും
* മോണിറ്ററിംഗ് കമ്മറ്റി: പാചകവാതക വിതരണവും ഉപഭോഗവും നിരീക്ഷിക്കാൻ സംസ്ഥാന-ജില്ലാ തലങ്ങളിൽ പ്രത്യേക മോണിറ്ററിംഗ് കമ്മറ്റികൾ രൂപീകരിക്കും.
* ഡാഷ് ബോർഡ്: വിതരണം കൃത്യമായി വിലയിരുത്താൻ പ്രത്യേകം തയ്യാറാക്കിയ ഡാഷ് ബോർഡ് ഉപയോഗിക്കും.
🔸മുൻഗണനാ ക്രമം
* ക്ഷാമം നേരിടുന്ന സാഹചര്യത്തിൽ സിലണ്ടറുകൾ നൽകാൻ മുൻഗണനാ പട്ടിക തയ്യാറാക്കും.
* ആശുപത്രികൾ, വൃദ്ധസദനങ്ങൾ, അനാഥാലയങ്ങൾ, സ്കൂളുകൾ, ജനകീയ അടുക്കളകൾ, ഐ.ടി/ഫാക്ടറി ക്യാന്റീനുകൾ എന്നിവർക്ക് മുൻഗണന നൽകും.
* ശ്മശാനങ്ങളുടെ പ്രവർത്തനം തടസ്സപ്പെടാതിരിക്കാൻ പ്രത്യേക ശ്രദ്ധ നൽകണമെന്ന് മുഖ്യമന്ത്രി നിർദ്ദേശിച്ചു.
🔸പരിശോധനയും നടപടികളും
* എൻഫോഴ്സ്മെന്റ് സംഘം: കരിഞ്ചന്ത, പൂഴ്ത്തിവെയ്പ്പ് എന്നിവ തടയാൻ പോലീസ്, റവന്യൂ, സിവിൽ സപ്ലൈസ്, എണ്ണക്കമ്പനി പ്രതിനിധികൾ ഉൾപ്പെട്ട പ്രത്യേക സംഘം പരിശോധന നടത്തും.
* ദുരുപയോഗം തടയൽ: ഗാർഹിക സിലണ്ടറുകൾ വ്യാവസായിക ആവശ്യങ്ങൾക്ക് ഉപയോഗിക്കുന്നത് കർശനമായി തടയും.
* വ്യാജ വാർത്തകൾ: പാചകവാതക പ്രതിസന്ധിയുമായി ബന്ധപ്പെട്ട വ്യാജ വാർത്തകൾ പ്രചരിപ്പിക്കുന്നവർക്കെതിരെ സിവിൽ സപ്ലൈസ് വകുപ്പ് നടപടിയെടുക്കും.
🔸മറ്റ് തീരുമാനങ്ങൾ
* മണ്ണെണ്ണ വിതരണം: പാചകവാതക ക്ഷാമം കണക്കിലെടുത്ത് മണ്ണെണ്ണ വിതരണം കാര്യക്ഷമമാക്കാൻ സിവിൽ സപ്ലൈസ് വകുപ്പിനെ ചുമതലപ്പെടുത്തി.
* കേന്ദ്രത്തോട് ആവശ്യം: നിലവിലെ 20% എന്ന പരിധി ഉയർത്താൻ കേന്ദ്ര സർക്കാരിനോട് കേരളം ആവശ്യപ്പെടും.
യോഗത്തിൽ മന്ത്രിമാരായ ജി.ആർ. അനിൽ, കെ.എൻ. ബാലഗോപാൽ, എം.ബി. രാജേഷ്, ചീഫ് സെക്രട്ടറി ഡോ. എ. ജയതിലക് എന്നിവരും വിവിധ എണ്ണക്കമ്പനി (IOCL, BPCL, HPCL) പ്രതിനിധികളും പങ്കെടുത്തു.
#KeralaGovernment
#gassupply
#gasshortage

Skip the Carousel

1 2 3 4

2 months ago | [YT] | 243

Kerala Government

അനേക ലക്ഷം സാധാരണക്കാരുടെ ജീവിതത്തിന് കൈത്താങ്ങാണ് ക്ഷേമപെൻഷൻ. 2016 ൽ 600 രൂപയായിരുന്ന പെൻഷൻ ഇപ്പോൾ 2000 രൂപയിൽ എത്തിനിൽക്കുന്നു. 62 ലക്ഷത്തോളം വരുന്ന മനുഷ്യർക്കാണ് പ്രതിമാസം ഈ ആശ്വാസം ലഭിക്കുന്നത്.
#keralagovernment #welfarepension

2 months ago | [YT] | 689