د/ياسين العدل

آخر جدول امتحانات لطبيبك المفضل في الكلية☝️
بغض النظر إن السنة الدراسية معديه ال ٥٠٠ يوم ☠️
الرحلة كانت مليانة قصص وحواديت ومواقف صعبة اتعلمت منها كتير أخلص وأحكيها عشان معانا هنا اكتر من 2000 صفحة باطنة+جراحة🤩
متنسوش تدعولنا بقا يا أحباب❤️

1 week ago | [YT] | 83

د/ياسين العدل

بوست مهم جداً⛔️⛔️⛔️
بص يا صديقي، إنتو عارفين قد إيه مصلحتكم تهمني، وعارفين قد إيه سهل دلوقتي إن أي مدرس يقول: “مليش دعوة، وكل طالب حر”. لكن عمومًا أنا هعمل اللي يمليه عليّ ضميري، وده عشان الطالب الشاطر اللي عاوز يطلع من الأوائل وفعلاً يهمه مستقبله.

ومن غير أي مبالغة، عيب أوي إني أقولك إن أفكار الامتحان كله مش هتطلع برّه المصدر ده هو وفلاشة الامتحان، وتدخل الامتحان من غير ما تكون فارمهم

وبالمناسبة،الامتحان بالنص كان جاي منهم، وعندك الملف أهو، شوف

📍 أوائل الجمهورية 2025 :
t.me/dryasinaladl/2300
📍 اسئلتنا في امتحان 2025 :
t.me/dryasinaladl/2302
📍 رأي دكاترة 2025 :
t.me/dryasinaladl/2301

فلو يهمك تحل أعلى مستوى من الأسئلة الممكنة، وتشوف مصدر مستويات عليا بجد يضيفلك ويجهزك لأي فكرة في الامتحان، يبقى معسكر حل أهم 1000 سؤال عصير كتب هو مصدرك الأول والأخير في الـ20 يوم
كلم الدعم واتساب هنا لأن كل لحظه من انهاردا هتفرق:
wa.me/201062563044

3 weeks ago | [YT] | 123

د/ياسين العدل

معسكر الأحياء في 25 يوم ⛔️⛔️⛔️
المعسكر دا الفرصة الأخيرة وطوق النجاة ل :
١) أي حد مضيع الأحياء

٢)أي حد عاوز يحل مستويات عليا

https://youtu.be/doJxrFNyWDI?si=w4Fvq...

4 weeks ago (edited) | [YT] | 38

د/ياسين العدل

بعملكم فيديو تحفيزي وبدور في صور الثانوية لقيت دي :

صوره عفويه التقطها لي أحد الزملاء أثناء هروبي من المدرسة

Pov.
جبت ٩٧٪؜ وطلعت الأول على كل الناس الي مش بتهرب … 😂❤️


(شير البوست لكل زمايلك الي بيهربو قولهم في أمل وتحيا مثر)

1 month ago (edited) | [YT] | 334

د/ياسين العدل

يا جماعه فهموني دلوقتي قبل مبدأ تصوير الفيديوهات ايه الي هيفيدكم اكتر من ناحيتي.
انتو محتاجين فيديوهات تفصيليه يعني اتكلم عن كل مادة وكلام من دا
ولا الخطوط العربضه ونصايح نفسيه زي الي بنزلها ريلزات ولا اعملكم من الاتنين ؟
وبالمناسبه الدعم كان جمع اسئلتكم وبعتهالي فلو حد عنده سؤال
ومكنش بعت للدعم يكتبه هنا وهجاوبه

(وبعتذر ليكم لو مقصر معاكم بقالي فترة في فيديوهات النصايح غصب عني دي اخر سنة في الكلية وامتحانات كتير فانتو عارفين اخوكم مش بيتوصااا بقا.و عقبالكم يارب ☠️❤️ )

1 month ago (edited) | [YT] | 77

د/ياسين العدل

لو حد طلب مني نصيحة واحدة بس يلتزم بيها طول فترة المراجعة وتحسن تركيزه،ذاكرته ،درجاته ،إنتاجيته …
إصحا الفجر مينفعش الساعة تيجي ٦ وانت لسا نايم عيب تهدر إمكانياتك الجبارة بسبب عدم قدرتك على الالتزام بالصحيان والنوم

1 month ago (edited) | [YT] | 309

د/ياسين العدل

مش سحر ولا شعوذه استغفر الله بس متأكد إن سبب 99,9999% من مشاكلك الدراسية والمعنوية هو العدة اللمس الي في ايدك صح!؟

1 month ago | [YT] | 110

د/ياسين العدل

أتعجب من قول القائل مفيش أمل جملة لما بسمعها بتقتلني من الداخل مرات و مرات حزناً على قائلها !!!
ازاي مفيش أمل وربنا الحق وعدك وقالك طول مانت ماشي في طريقي يا عبدي ونيتك خالصة ليا خلي عندك أمل …
أمل في الدنيا إن لسا فيه فرصة ،
وأمل إن لو ضاعت عليك فرصة فيه مكانها مليون فرصة أحسن ،
وأمل تالت إن ثواب الآخرة خيرٌ وأبقى وإن من حكمته إن ما هي إلا كام سنة في الدنيا بنعيشها ما عليك فيها إلا بالسعي وتدي مليون في الميه من طاقتك بظروفك المتاحة…
قوم وحاول تاني وخلي أملك في ربك كبير❤️

1 month ago | [YT] | 371

د/ياسين العدل

صباح الخير نصيحة بمليون جنيه من أخوك الكبير ❤️ :

اقتل خوفك من المجهول انت غير مكلف بالمجهول.

زود ثقة في مذاكرتك واحلم بالنجوم هتوصلها.

سعي كتير اوي خليك لوح تلج مع المادة.

انت مش أقل من حد ومش متأخر عن حد انت محتاج تركز في ورقتك عشان تكسب الgame
……..
طبقهم وأياً كان مستواك حتى لو لسا هتبدأ مراجعة أوعدك خلال شهر هيتغير 180درجة للأفضل

(هياخدو منك من دقيقة لعشر دقايق فهم عميق بس العشر دقايق دول كافيين يغيرو مستقبلك للأفضل…لسا فيه وقت …صلي على الرسول)

1 month ago | [YT] | 190

د/ياسين العدل

لو حاسس إن ربنا مش هيكرمك.. القصة دي ليك بإذن الله عشان تديك أمل وتجدد يقينك

الحمد لله، دي قصتي باختصار:
• البداية (ثانوية عامة): من 5 سنين، جبت 97% بعد معاناة جسدية ونفسية وضغوط والتزام كامل من أول يوم لآخر يوم. سنة مليانة تقلبات وصعوبات، وأوقات كنت بموت عشان أقوم أذاكر ومش قادر، وضيق على ده كله بيئة محيطة صعبة جداً.. بس ربنا كرمني.

• مرحلة الكلية: دخلت كلية طب القصر العيني، والحمد لله ربنا وفقني في الدرجات، لكن اتعرضت لصعوبات ومشاكل كبيرة في أول سنتين (تقصم ظهر البعير)، ومع ذلك صبرت واحتسبت لحد ما تخطيتها.

• رحلة العُمر (مجال التدريس): دخلت المجال ده من أضيق أبوابه من 4 سنين، وبدأتها من تحت الصفر "بدراعي" والكل يشهد على ده. لفيت سناتر كتير ودورت على فرص، وكان وضعي وحالتي صعبين جداً (وكله موثق بالصوت والصورة) لحد ما وصلت.
ضريبة النجاح.. اللي محدش بيشوفه!

تخيل بعد ما وصلت لدرجة (ولو صغيرة) من النجاح اللي أنا فيه حالياً، إيه اللي قابلته؟

• غل من المنافسين وتشويه سمعة.
• تضييق عليا من "حيتان المجال" في السناتر الكبيرة (آه بيقعدوا في الغرف المغلقة ويقولوا: ده يشتغل وده خطر مش هنشغله!).
• لجان إلكترونية وأكاونتات فيك بقالها 3 شهور تدخل تشتمني وتشكر في اللي باعتهم!
كل ده وأنا دافع تمنه مقدماً: سهر بالشهور لدرجة إن أقرب الناس ليا كانوا بيقولوا لي "حرام اللي بتعمله في نفسك"، حرمان من كل أنواع الإجازات لمدة 4 سنين متواصلة، ووقتي مع الصحاب والأهل شبه مش موجود.

ليه بيحاربوني؟
عمري ما ذكرت مدرس بسوء، وأي حد قريب من "ياسين" عارف إنه مش بتاع مشاكل ولا خباثة، ومع ذلك مرضى النفوس بيحاولوا يؤذوني في كل فرصة.. عارفين ليه؟

عشان مش بتاع "شو" ولا حوارات، إنسان نضيف مركز في مذاكرته وشغله والطلبة بتحبه (وده شرف ليا). النجاح ده بيكسر "أصنام" كتير، وبيخلي أصحاب الملايين عاوزين يطيحوا بيك.. الفلوس بتنسيهم الأصول، ونفس الناس اللي آذتني دي بتخلص حوارات وأذى ونقص وتطلع تكلّم الناس في الدين! (هداهم الله ولا سامحهم).

الخلاصة والرسالة ليك:
مع كل ده.. أنا مكمل لحد النهارده بكامل طاقتي، لأني مؤمن بحاجة واحدة بس: (كَرَم رَبّنا).
واثق إن بتوفيقه هوصل وهكون رقم واحد في مجالي، ومن غير ما أحاول أؤذي اللي آذاني، لأني متربي على الأصول والدين ويشرفني إني من بيت نضيف.وعشان كدا بردو ربنا مديني صلابة نفسية وقدرة على تحمل أصعب الظروف وفي أسوء الأحوال هتلاقيني بحكيلك كدا زي أخويا الصغير عشان أوعيك بالي بيحصل حوليك لكن مش هتلاقيني بشتكي لحد لأن الشكوى لغير الله ضعف ودي قناعتي إن كل مالدنيا تقرص عليك أقرص على نفسك وأتطور أكتر
فـ يا ابني اجتهد.. لأنك هتشوف في حياتك كتير، وهتواجه مشاكل في ثانوية عامة وبعدها الشاطر الي بيجتهد وفي نفس الوقت محافظ على نفسه ونفسيته …وثق تماماً إن "أمر الله غالب".
دا البوست الأول والأخير من نوعه ورجاء خاص أدعو لأخوكم في الله بالتوفيق والصلاح❤️

1 month ago | [YT] | 264