sherinz Vlog
Explore The Colourful World With SHERINZ VLOG
"യാത്രകൾ പലർക്കും പലതാണ്...
ചിലർക്ക് അത് കണ്ടെത്തലുകൾ,
വേറെ ചിലർക്ക് ഒളിച്ചോട്ടം,
പിന്നെയുള്ളവർക്കത് ജീവിതമാണ്"...
To Stay On This Journey With Me Do Subscribe To My Channel
🟢 Business Inquiries:
► Email: sherinzvlog@gmail.com
sherinz Vlog
50 വർഷത്തിലേറെയായി അണയാതെ കത്തുന്ന തീക്കുഴി.
മധ്യേഷ്യൻ രാജ്യമായ തുർക്മെനിസ്ഥാനിലെ കാരക്കും മരുഭൂമിയിൽ സ്ഥിതി ചെയ്യുന്ന വിചിത്രവും അതിശയിപ്പിക്കുന്നതുമായ ഒരു പ്രതിഭാസമാണ് ഡെർവെസെ ഗ്യാസ് ക്രേറ്റർ. കഴിഞ്ഞ 50 ൽ ഏറെ വർഷങ്ങളായി ഇവിടെ തീ ആളിക്കത്തിക്കൊണ്ടിരിക്കുകയാണ്. അതുകൊണ്ടുതന്നെ ഇതിനെ നരകത്തിലേക്കുള്ള കവാടം എന്നും വിളിക്കുന്നു.
ഭൂമിക്കടിയിൽ നിന്ന് വരുന്ന മീഥെയ്ൻ വാതകമാണ് ഈ തീയ്ക്ക് കാരണം. ഒരു മനുഷ്യനിർമ്മിതമായ അത്ഭുതമായാണ് ഇത് കണക്കാക്കപ്പെടുന്നത്. അഷ്ഗാബാദിൽ നിന്ന് ഏകദേശം 260 കിലോമീറ്റർ വടക്ക് ദർവാസ എന്ന ഗ്രാമത്തിനടുത്താണ് ഗ്യാസ് ക്രേറ്റർ.
1971-ൽ സോവിയറ്റ് യൂണിയൻ എൻജിനീയർമാർ ഈ പ്രദേശത്ത് പ്രകൃതിവാതകത്തിനായി പര്യവേക്ഷണം നടത്തുമ്പോഴാണ് ഈ അപകടം സംഭവിച്ചത്. ഖനനത്തിനിടെ ഭൂമി ഇടിഞ്ഞുതാഴ്ന്ന് ഏകദേശം 70 മീറ്റർ വീതിയും 30 മീറ്റർ ആഴവുമുള്ള ഒരു വലിയ കുഴി രൂപപ്പെട്ടു. കുഴിയിൽ നിന്ന് പുറത്തുവരുന്ന മീഥെയ്ൻ വാതകം പരിസരത്തെ വായു മലിനമാക്കാതിരിക്കാനും അടുത്തുള്ള ഗ്രാമവാസികൾക്ക് അപകടമുണ്ടാക്കാതിരിക്കാനും ശാസ്ത്രജ്ഞർ അതിന് തീ കൊടുത്തു. ഏതാനും ദിവസങ്ങൾക്കുള്ളിൽ വാതകം തീരുമെന്നായിരുന്നു അവരുടെ കണക്കുകൂട്ടൽ, എന്നാൽ ഇന്നും അത് ജ്വലിച്ചുകൊണ്ടിരിക്കുന്നു. ഇപ്പോൾ 54 വർഷമായി.
രാത്രിയിലാണ് ഈ അഗ്നിക്കുഴി അതിന്റെ പൂർണ്ണരൂപത്തിൽ ദൃശ്യമാകുന്നത്. രാത്രികാലങ്ങളിൽ കിലോമീറ്ററുകൾ അകലെ നിന്ന് പോലും ഈ കുഴിയിൽ നിന്നുള്ള പ്രകാശം കാണാൻ സാധിക്കും.
2013-ൽ നാഷണൽ ജിയോഗ്രാഫിക് ചാനലിന് വേണ്ടി ജോർജ്ജ് കുറൂണിസ് എന്ന സാഹസികൻ ഈ കുഴിയുടെ അടിത്തട്ടിൽ ഇറങ്ങി പര്യവേക്ഷണം നടത്തിയിരുന്നു. അത്യധികമായ താപനിലയിലും അവിടെ ജീവിക്കാൻ കഴിയുന്ന ചില ബാക്ടീരിയകളെ അദ്ദേഹം കണ്ടെത്തി. ഇത് ഭൂമിക്ക് പുറത്തുള്ള മറ്റ് ഗ്രഹങ്ങളിലെ ജീവന്റെ സാന്നിധ്യം പഠിക്കാൻ ശാസ്ത്രജ്ഞരെ സഹായിക്കുന്നു.
ദർവാസയിൽ ഈ അഗ്നിക്കുഴി കൂടാതെ മറ്റ് രണ്ട് ക്രേറ്ററുകൾ കൂടി അടുത്തടുത്തായുണ്ട്: 1. വാട്ടർ ക്രേറ്റർ: ഇതിനുള്ളിൽ തിളങ്ങുന്ന പച്ചനിറത്തിലുള്ള വെള്ളമാണുള്ളത്. 2. മഡ് ക്രേറ്റർ: ചളി തിളച്ചുപൊങ്ങുന്ന നിലയിലുള്ള കുഴിയാണിത്.
ഈ പ്രദേശം സന്ദർശിക്കുന്നത് സാഹസികമാണ്. മരുഭൂമിയിലൂടെയുള്ള യാത്രയായതിനാൽ പരിചയസമ്പന്നരായ ഗൈഡുകളുടെയും ഫോർ വീൽ ഡ്രൈവ് വാഹനങ്ങളുടെയും സഹായം ആവശ്യമാണ്.
ഇവിടെ ഹോട്ടലുകളോ സ്ഥിരമായ കെട്ടിടങ്ങളോ ഇല്ല. സഞ്ചാരികൾ സാധാരണയായി യർട്ട് എന്നറിയപ്പെടുന്ന മധ്യേഷ്യൻ ശൈലിയിലുള്ള ടെന്റുകളിലോ അല്ലെങ്കിൽ സാധാരണ ക്യാമ്പിംഗ് ടെന്റുകളിലോ ആണ് താമസിക്കുന്നത്. നഗരങ്ങളിൽ നിന്ന് വളരെ അകലെയായതിനാൽ ഇവിടെ വൈദ്യുതിയോ വൈഫൈയോ മൊബൈൽ സിഗ്നലോ ലഭിക്കില്ല. ശുചിമുറി സൗകര്യങ്ങളും വളരെ പരിമിതമാണ്. അഗ്നിക്കുഴിയുടെ വശങ്ങൾ ഏത് നിമിഷവും ഇടിഞ്ഞു വീഴാൻ സാധ്യതയുള്ളതാണ്. അതിനാൽ സുരക്ഷാ വേലികൾക്ക് പുറത്ത് നിൽക്കാൻ ശ്രദ്ധിക്കണം. മരുഭൂമിയിൽ പകൽ കടുത്ത ചൂടാണെങ്കിലും രാത്രിയിൽ താപനില പെട്ടെന്ന് താഴാൻ സാധ്യതയുണ്ട്. അതിനാൽ ആവശ്യത്തിന് തണുപ്പിനെ പ്രതിരോധിക്കുന്ന വസ്ത്രങ്ങൾ കരുതണം.
ആകാശത്തെ നക്ഷത്രങ്ങളും താഴെ ജ്വലിക്കുന്ന തീയും ചേർന്നുള്ള കാഴ്ച അത്ഭുതകരമാണ്.
5 days ago | [YT] | 470
View 17 replies
sherinz Vlog
ഞങ്ങളെ അതിശയിപ്പിച്ച ഒരു ബുദ്ധക്ഷേത്രമാണ് വെളുത്ത ക്ഷേത്രം അഥവാ വാട്ട് റോങ് ഖുൻ. പ്രശസ്തനായ തായ് കലാകാരൻ അജാൻ ചലേംചായ് കോസിത്പിപാറ്റിന്റെ ഒരു ആധുനിക കലാസൃഷ്ടിയാണ്. വെള്ളനിറം ബുദ്ധന്റെ പരിശുദ്ധിയെയും, ക്ഷേത്രത്തിൽ പതിച്ചിരിക്കുന്ന ചെറിയ കണ്ണാടി കഷണങ്ങൾ ബുദ്ധന്റെ ജ്ഞാനത്തെയും സൂചിപ്പിക്കുന്നു. അതോടൊപ്പം സന്ദർശിച്ച മറ്റൊരു ബുദ്ധക്ഷേത്രമാണ് നീല ക്ഷത്രം അഥവാ വാട്ട് റോങ് സ്യൂ ടെൻ.
വടക്കൻ തായ്ലൻഡിന്റെ അതിർത്തിയിലുള്ള ശാന്തവും അതിമനോഹരവുമായ ഒരു നഗരമാണ് ചിയാങ് റായ്. ബാങ്കോക്കിലോ പട്ടായയിലോ കാണുന്ന തിരക്കുകളിൽ നിന്നൊക്കെ മാറി, തികച്ചും വ്യത്യസ്തമായ ഒരു തായ്ലൻഡ് കാഴ്ചയാണ് ഇവിടം സമ്മാനിക്കുന്നത്.
ലോകപ്രസിദ്ധമായ വൈറ്റ് ടെംപിളും (White Temple), കണ്ണഞ്ചിപ്പിക്കുന്ന ബ്ലൂ ടെംപിളുമൊക്കെയാണ് ഈ നഗരത്തിന്റെ പ്രധാന ആകർഷണമണ്.
Wat Rong Khun (White Temple): വെളുത്ത നിറത്തിൽ നിർമ്മിച്ച, തായ്ലൻഡിലെ തന്നെ ഏറ്റവും പ്രശസ്തമായ ആധുനിക ക്ഷേത്രം.
Wat Rong Suea Ten (Blue Temple): നീല നിറത്തിലും സ്വർണ്ണ നിറത്തിലും തീർത്ത അതിമനോഹരമായ വാസ്തുവിദ്യ.
Baan Dam Museum (Black House): തായ് സംസ്കാരവും നിഗൂഢതയും നിറഞ്ഞ കറുത്ത വീടുകളുടെ കൂട്ടം.
The Golden Triangle: തായ്ലൻഡ്, ലാവോസ്, മ്യാൻമർ എന്നീ മൂന്ന് രാജ്യങ്ങളുടെ അതിർത്തികൾ ഒന്നിക്കുന്ന പ്രശസ്തമായ പ്രദേശം (മേകോങ് നദിക്കരയിൽ)
ചിയാങ് മായിൽ നിന്നും ഏകദേശം 3 മണിക്കൂർ യാത്ര ചെയ്താൽ തായ്ലൻഡിന്റെ വടക്കേ അറ്റത്തുള്ള ഈ ചരിത്ര നഗരത്തിൽ എത്താം. കാഴ്ചകളുടെ കാര്യത്തിൽ ചിയാങ് റായ് നമ്മളെ ഒട്ടും നിരാശപ്പെടുത്തില്ല.
1 week ago | [YT] | 884
View 14 replies
sherinz Vlog
പാകിസ്ഥാനിലെ ലാഹോർ റെയിൽവേ സ്റ്റേഷൻ
സമരങ്ങളും പ്രതിഷേധങ്ങളും അക്രമങ്ങളും കലാപങ്ങളും സാക്ഷ്യംവഹിച്ച ചരിത്ര റെയിൽവേ സ്റ്റേഷൻ. 1947-ലെ ഇന്ത്യ-പാക് വിഭജനകാലത്ത് ആയിരക്കണക്കിന് അഭയാർത്ഥികൾ അവരുടെ അവസാന ട്രെയിൻ കയറിയതും ഇവിടെയായിരുന്നു.
ഇന്ത്യൻ ഉപഭൂഖണ്ഡത്തിലെ ഏറ്റവും പഴക്കം ചെന്ന റെയിൽവേ സ്റ്റേഷനുകളിൽ ഒന്നാണ് ലാഹോർ റെയിൽവേ സ്റ്റേഷൻ. 1860-ൽ ബ്രിട്ടീഷ് ഭരണകാലത്താണ് ഇത് നിർമ്മിച്ചത്. അന്നത്തെ പ്രധാന റെയിൽവേ ലൈനുകളിലൊന്നായ സിന്ധ്, പഞ്ചാബ് ആൻഡ് ഡൽഹി റെയിൽവേയുടെ ഭാഗമായിട്ടായിരുന്നു ഇതിന്റെ നിർമ്മാണം.
സ്റ്റേഷൻ ഒരു കോട്ടയുടെ രൂപത്തിലാണ് നിർമ്മിച്ചിരിക്കുന്നത്. 1857-ലെ കലാപത്തിന് ശേഷമുള്ള കാലഘട്ടത്തിൽ ബ്രിട്ടീഷ് അധികാരികൾ സൈനിക ആക്രമണങ്ങളെ പ്രതിരോധിക്കാൻ രൂപകൽപ്പന ചെയ്തതാണിത്. അതുകൊണ്ട് തന്നെ സ്റ്റേഷന് കനത്ത ഭിത്തികളും, കൊത്തളങ്ങളും, നിരീക്ഷണ ഗോപുരങ്ങളുമുണ്ട്. കലാപങ്ങൾ തടയുന്നതിനായി, പ്ലാറ്റ്ഫോമുകളിലേക്കുള്ള പ്രവേശന കവാടങ്ങളിൽ വലിയ തോക്കുകൾ സ്ഥാപിച്ചിരുന്നു. കാലക്രമേണ ഇവ നീക്കം ചെയ്യപ്പെട്ടു.
ഇന്ത്യയിലെ അമൃതസറിനേയും പാകിസ്ഥാനിലെ ലാഹോറിനേയും ബന്ധിപ്പിക്കുന്ന സംഝോത എക്സ്പ്രസ്സ് എന്ന ട്രെയിൻ ഉണ്ടായിരുന്നു. ഇന്ത്യയേയും പാകിസ്ഥാനെയും ബന്ധിപ്പിച്ചിരുന്ന ഈ ഏക ട്രെയിൻ സർവ്വീസ് 1976-ൽ സിംല കരാറിനു തുടർന്ന് ആരംഭിച്ചതാണ്. Friendship Express എന്നാണ് പൊതുവിൽ ഈ ട്രെയിൻ അറിയപ്പെടുന്നത്. അവസാന സർവീസ് നടത്തിയത് 8 August 2019 ആയിരുന്നു.
#sherinzvlog
1 week ago | [YT] | 438
View 9 replies
sherinz Vlog
മനസ്സിന് ശാന്തിയും ആത്മാവിന് കുളിർമയും നൽകുന്ന സുവർണ്ണ നിമിഷങ്ങൾ. അമൃത്സറിലെ ഹർമന്ദിർ സാഹിബിന്റെ വിശുദ്ധിയിൽ
ജാതി-മത, വർണ്ണ ഭേദമന്യേ ആർക്കും ഇവിടെ പ്രവേശിക്കാം. ലോകത്തിലെ ഏറ്റവും വലിയ സൗജന്യ അടുക്കളയാണിത്. ദിവസവും ഒരു ലക്ഷത്തോളം ആളുകൾക്ക് ഇവിടെ നിന്ന് ജാതിമത ഭേദമന്യേ ഭക്ഷണം നൽകുന്നു. മുഴുവൻ പ്രവർത്തനങ്ങളും സന്നദ്ധസേവകർ ആണ് ചെയ്യുന്നത്.
പത്തൊൻപതാം നൂറ്റാണ്ടിൽ മഹാരാജ രഞ്ജിത് സിംഗ് ആണ് ഈ ക്ഷേത്രത്തിന്റെ മുകൾഭാഗം ശുദ്ധമായ സ്വർണ്ണം കൊണ്ട് പൊതിഞ്ഞത്. ഏകദേശം 400 കിലോയിൽ അധികം സ്വർണ്ണം ഇതിനായി ഉപയോഗിച്ചിട്ടുണ്ട്.
പഞ്ചാബിലെ അമൃത്സറിൽ സ്ഥിതി ചെയ്യുന്ന ഈ സുവർണ്ണ ക്ഷേത്രം (Golden Temple) സിഖ് മതവിശ്വാസികളുടെ ഏറ്റവും പ്രധാനപ്പെട്ട തീർത്ഥാടന കേന്ദ്രമാണ്. സിഖുകാരുടെ വിശുദ്ധ ഗ്രന്ഥമായ ഗുരു ഗ്രന്ഥ് സാഹിബ് ആണ് ഇവിടെ ആരാധിക്കപ്പെടുന്നത്.
ശ്രീ ഹർമന്ദിർ സാഹിബ്' (ദൈവത്തിന്റെ ആലയം) എന്നാണ് ഇതിന്റെ ഔദ്യോഗിക നാമം. 'ദർബാർ സാഹിബ്' എന്നും ഇത് അറിയപ്പെടുന്നു. നാലാമത്തെ സിഖ് ഗുരുവായിരുന്ന ഗുരു രാംദാസ് ആണ് 1577-ൽ ഈ നഗരവും കുളവും സ്ഥാപിച്ചത്. അഞ്ചാമത്തെ ഗുരുവായ ഗുരു അർജൻ ദേവ് ക്ഷേത്രത്തിന്റെ നിർമ്മാണം പൂർത്തിയാക്കി.
2 weeks ago | [YT] | 827
View 16 replies
sherinz Vlog
ഷെറിൻസ് വ്ലോഗിൽ നിലവിൽ വീഡിയോ പബ്ലിഷ് ചെയ്യുന്ന സമയം രാവിലെ 11:00 ആണ്
അതിൽ മാറ്റം വരുത്തേണ്ട ആവശ്യം ഉണ്ടോ?
നിങ്ങൾക്ക് താല്പര്യം ഉള്ള ഒരു സമയം കമൻറ് ചെയ്യാമോ
1 month ago | [YT] | 135
View 41 replies
sherinz Vlog
യേശുവിനെ അടക്കം ചെയ്ത കല്ലറയും ക്രിസ്തു കുരിശു ചുമന്ന് പോയ പീഡാനുഭവ വഴിയും കുരിശിൽ മരണം വരിച്ച ഗാഗുൽത്താ മലയും യൂദാസ് ഒറ്റിക്കൊടുത്ത ഗെത്ത്സെമേൻ തോട്ടവും ഈ വീഡിയോയിൽ കാണാം
ബൈബിളിൽ പറയുന്ന പ്രധാന സ്ഥലങ്ങളിലൂടെ സഞ്ചരിച്ച് ചിത്രീകരിച്ച അപൂർവ്വ കാഴ്ചകൾ
കൂടാതെ ഉണ്ണിയേശു ജനിച്ച ബത്ലഹേമിലെ കാലിത്തൊഴുത്തും ഗലീലി തടാകവും അഞ്ചപ്പം അയ്യായിരം പേർക്ക് വർദ്ധിപ്പിച്ചു കൊടുത്ത സ്ഥലവും കാനായിലെ കല്യാണത്തിന് യേശു വെള്ളം വീഞ്ഞാക്കിയ വീടും
ജെറുസലേം പട്ടണവും നസ്രത്തിലെ കന്യാമറിയത്തിന്റെ വീടും ഔസേപ്പിതാവിന്റെ പണിശാലയുമടക്കം ബൈബിളിൽ പറയുന്ന പ്രധാന സ്ഥലങ്ങളിലൂടെ സഞ്ചരിച്ച് ചിത്രീകരിച്ച അപൂർവ്വ കാഴ്ചകൾ
യേശുവിന്റെ ജീവിത വഴികളിലൂടെയുള്ള ഒരു സഞ്ചാരം
വിഡിയോ കമന്റ് ബോക്സിൽ 👍
1 month ago | [YT] | 648
View 26 replies
sherinz Vlog
പുതിയ യാത്ര ആരംഭിക്കുന്നു. -50°C കൊടും തണുപ്പിലേക്ക് Extreme Winter Expedition
2 months ago | [YT] | 1,213
View 21 replies
sherinz Vlog
Welcome to Turkmenistan 🇹🇲
പുതിയ വർഷം പുതിയ യാത്ര, 2026ലെ ആദ്യ യാത്ര ആരംഭിക്കുന്നു
4 months ago | [YT] | 1,222
View 43 replies
sherinz Vlog
എനിക്ക് പറയാനുള്ള പല കാര്യങ്ങളും ഈ ഇന്റർവ്യൂവിൽ ഉണ്ട്
ലിങ്ക് കമന്റ് ബോക്സിൽ കൊടുക്കാം
5 months ago | [YT] | 192
View 4 replies
sherinz Vlog
ജീവിതം മാറ്റിമറിച്ച യൂട്യൂബ്
9 വർഷങ്ങൾക്ക് മുമ്പ് ഒരു കൗതുകത്തിനു തുടങ്ങിയ യൂട്യൂബ് വീഡിയോകൾ, കേരളത്തിലെ ചെറിയ സ്ഥലങ്ങൾ ഒക്കെ യാത്ര ചെയ്ത്, അനുഭവങ്ങൾ പങ്കുവെച്ചു തുടങ്ങി.
4 വർഷത്തോളം യൂട്യൂബിൽ നിന്നും ഒരു വരുമാനവും ലഭിക്കാതെ ജോലി ചെയ്ത് കിട്ടുന്ന ചെറിയ വരുമാനം കൂട്ടിവെച്ചു, യാത്രകൾ ചെയ്തും അനുഭവങ്ങൾ പങ്കു വെച്ചും വീഡിയോ ചെയ്തു. കാരണം അത് എന്റെ പാഷൻ ആയിരുന്നു.
ജീവിതം എങ്ങോട്ടെന്നറിയാതെ ഏതൊക്കെയോ വഴികളിലൂടെ പോകുമ്പോഴാണ്, 2020 ൽ ആ വഴിത്തിരിവ്, എന്റെ ജീവിതം മാറ്റിമറിച്ച 'കൊച്ചിയിൽ തേരാ പാരാ'
ഇന്ന് ഇന്ത്യയിലെ എല്ലാ സംസ്ഥാനങ്ങളിലും ഇരുപതോളം രാജ്യങ്ങളിലും അന്റാർട്ടിക്ക ഭൂഖണ്ഡത്തിലും ആ യാത്ര എത്തിനിൽക്കുമ്പോൾ കൂടെ 1 മില്യൺ കൂട്ടുകാർ.
സോഷ്യൽ മീഡിയ ആകെ 2.3 മില്യൺ കൂട്ടുകാരും.
ഇതുവരെ എന്നെ സപ്പോർട്ട് ചെയ്ത എന്റെ പ്രിയ പ്രേക്ഷകർക്ക് നന്ദി പറഞ്ഞുകൊണ്ട്, യാത്രകൾ തുടരുന്നു... Sherinz Vlog
7 months ago | [YT] | 8,440
View 432 replies
Load more