SWASTHYA PHARMACY
From this channel, we provide public awareness health materials of famous doctors of Nepal such as: health information, health tips, motivational video, health awareness live program etc.
Remember that all the health content broadcasted on this channel will be 100% confidential
For more information:
Email: swasthyap@gmail.com
Instagram: www.instagram.com/swasthyapharmacy?igsh=MTc2cHBybn…
SWASTHYA PHARMACY
स्वास्थ्य र सामाजिक सुरक्षा बजेट !!
@swasthyapharmacy
18 hours ago | [YT] | 4
View 0 replies
SWASTHYA PHARMACY
जन्मजात भए पनि क्लबफुटको सही समयमा उपचार गरेमा बच्चाले सामान्य रूपमा हिँड्न, दौडिन र सक्रिय जीवन बिताउन सक्छ 💙
✔️ खुट्टा भित्रतिर मोडिएको देखिएमा
✔️ खुट्टाको आकार फरक देखिएमा
✔️ हिँड्न वा जुत्ता लगाउन समस्या भएमा
ढिला नगरी विशेषज्ञ चिकित्सकसँग परामर्श गर्नुहोस् 🩺
📌 छिटो पहिचान + सही उपचार = उज्ज्वल भविष्य ✨
#clubfootawareness #babycaretips #healthybabies #NewbornCare #PregnancySupport
@swasthyapharmacy
20 hours ago | [YT] | 11
View 0 replies
SWASTHYA PHARMACY
भिटामिन ‘डी’ को कमी: घाम र खानपानको सन्तुलन कसरी मिलाउने?
– डा. विमल पौडेल
हालको नेपाली समाजमा भिटामिन ‘डी’ को कमी एउटा गम्भीर समस्याको रूपमा देखा परेको छ । अस्पतालमा आउने बिरामीहरूमध्ये लगभग तीन जनाको परीक्षण गर्दा दुई जनामा भिटामिन ‘डी’ को कमी पाइएको छ । हाम्रो देशमा पर्याप्त घाम लाग्ने र खानपानमा दाल, भात, तरकारी समावेश भए तापनि धेरै व्यक्तिहरूमा यो समस्या देखिनु चिन्ताको विषय हो ।
भिटामिन ’डी’ को कमी हुनुका कारणहरू
भिटामिन ‘डी’ को मुख्य स्रोत घाम हो । हाम्रो शरीरलाई आवश्यक पर्ने लगभग ९० प्रतिशत भिटामिन ‘डी’ घामबाटै प्राप्त हुन्छ । तर, वर्तमान समयमा हाम्रो रहनसहन फेरिएको छ । पहिले खेतबारीमा काम गर्ने जनसंख्या धेरै हुन्थ्यो भने अहिले अफिसभित्र वा घरबाटै काम गर्ने चलन बढेको छ । यसले गर्दा मानिसहरू घाममा कम देखिन्छन् । अर्को मुख्य कारण भनेको बाहिर निस्किँदा ‘सन ब्लक’ वा ‘सन स्क्रिन’ को प्रयोग गर्नु हो, जसले छालामा घामको किरण पर्न दिँदैन र भिटामिन ‘डी’ उत्पादनमा अवरोध पु¥याउँछ ।
लक्षणहरू भिटामिन ‘डी’ हाम्रो मांसपेशी, छाला, हड्डी र रोगसँग लड्ने क्षमताका लागि अनिवार्य छ । यसको कमी हुँदा निम्न लक्षणहरू देखिन सक्छन् :
-मांसपेशीहरू दुख्ने र ज्यान गल्ने ।
-काम नगर्दा पनि अत्याधिक थकाइ महसुस हुने ।
-ढाड, जोर्नी, टाउको र हातखुट्टा करकर खाने वा दुख्ने ।
-रोग प्रतिरोधात्मक क्षमता कम भई बारम्बार बिरामी पर्ने ।
-कपाल झर्ने र छालाका समस्याहरू देखिने ।
-महिलाहरूमा विशेषगरी गर्भावस्थामा ढाड दुख्ने समस्या ।
कस्ता व्यक्तिलाई बढी जोखिम हुन्छ ?
महिलाहरूमा हर्मोनल परिवर्तनका कारण पुरुषको तुलनामा भिटामिन ’डी’ को कमी बढी देखिन्छ । त्यस्तै, मोटोपन भएका व्यक्तिहरूमा पनि हर्मोनल असन्तुलन र इन्सुलिन रेजिस्टेन्सका कारण यो समस्या बढी हुन्छ । कलेजो र मिर्गौलाका दीर्घकालीन रोगीहरूमा पनि भिटामिन ’डी’ को कमी हुन सक्छ, किनकि घामबाट प्राप्त भिटामिनलाई शरीरले उपयोग गर्ने गरी ’म्याच्योर’ बनाउने प्रक्रियामा यी अङ्गहरूको ठूलो भूमिका हुन्छ ।
बच्ने उपाय र उपचार
भिटामिन ‘डी’ को पूर्ति गर्ने सबैभन्दा उत्तम उपाय भनेको घाम ताप्नु नै हो । दिनको कम्तिमा आधा घण्टा घाममा बस्नुपर्छ । अध्ययनहरूका अनुसार बिहानको कलिलो घामभन्दा दिउँसो १२ देखि १ बजेसम्मको चर्को घाममा बस्दा शरीरले बढी भिटामिन ‘डी’ प्राप्त गर्दछ । झ्यालबाट छिरेको घामबाट पनि केही मात्रामा यो प्राप्त हुन्छ, तर सिधै घाममा बस्नु जत्तिको प्रभावकारी हुँदैन ।
खानपानको कुरा गर्दा अण्डा, माछा, र च्याउमा भिटामिन ‘डी’ पाइन्छ । यद्यपि, खानाबाट मात्र १० प्रतिशत आवश्यकता पूर्ति हुने भएकाले घामकै एक्सपोजर बढाउनु आवश्यक छ ।
यदि शरीरमा भिटामिन ‘डी’ धेरै नै कम छ भने रगत परीक्षण गरी चिकित्सकको सल्लाह अनुसार औषधि सेवन गर्नुपर्छ । बजारमा पाइने सप्लिमेन्टहरू जथाभाबी खानु हुँदैन, किनकि भिटामिन ‘डी’ को मात्रा शरीरमा बढी हुँदा पनि अन्य स्वास्थ्य समस्याहरू निम्तिन सक्छन् ।
अन्त्यमा, स्वस्थ रहनका लागि खानपानमा ध्यान दिनुका साथै दैनिक केही समय घाममा बिताउने बानी बसालौँ ।
@swasthyapharmacy
20 hours ago | [YT] | 0
View 0 replies
SWASTHYA PHARMACY
सरकारद्वारा नेपाल औषधि लिमिटेडको क्षमता विस्तार, २५ प्रकारका औषधि स्वदेशमै उत्पादन गरिने :
सरकारले सरकारी स्वामित्वको नेपाल औषधि लिमिटेडको उत्पादन तथा सञ्चालन क्षमता विस्तार गर्ने घोषणा गरेको छ। अर्थमन्त्री स्वर्णिम वाग्ले ले आर्थिक वर्ष २०८३/०८४ को बजेट वक्तव्य प्रस्तुत गर्दै नेपाल औषधि लिमिटेडलाई थप सुदृढ बनाउँदै सरकारले निशुल्क उपलब्ध गराउने २५ प्रकारका औषधि उत्पादन गर्न सक्षम बनाउने बताएका हुन्।
बजेटमार्फत सरकारले अत्यावश्यक औषधिको स्वदेशी उत्पादन वृद्धि गर्दै आयातमा निर्भरता घटाउने नीति अघि सारेको जनाएको छ। नेपाल औषधि लिमिटेडको उत्पादन क्षमता विस्तारसँगै सरकारी स्वास्थ्य संस्थामा आवश्यक औषधिको आपूर्ति सहज हुने अपेक्षा गरिएको छ।
यसैगरी सरकारले चिकित्सा, नर्सिङ तथा स्वास्थ्य क्षेत्रसँग सम्बन्धित उच्च शिक्षाको कोटा पनि वृद्धि गर्ने घोषणा गरेको छ। दक्ष जनशक्ति उत्पादनलाई प्राथमिकतामा राख्दै स्वास्थ्य सेवाको पहुँच र गुणस्तर सुधार गर्ने लक्ष्य लिइएको बजेट वक्तव्यमा उल्लेख छ।
सरकारले स्वास्थ्य बीमा कार्यक्रममा समेत व्यापक सुधार र पुनर्संरचना गर्ने जनाएको छ। पछिल्लो समय आर्थिक तथा व्यवस्थापकीय चुनौतीका कारण प्रभावकारिता घट्दै गएको स्वास्थ्य बीमा कार्यक्रमलाई पुनर्जीवन दिन बजेटमार्फत नयाँ व्यवस्था गरिने अर्थमन्त्री वाग्लेले बताए।
@swasthyapharmacy
20 hours ago | [YT] | 11
View 0 replies
SWASTHYA PHARMACY
बिहान उठ्ने बित्तिकै हामीमध्ये अधिकांशलाई हतार नै हुन्छ। यही कारणले हामीले आफ्नो स्वास्थ्यलाई दिनुपर्ने आवश्यक समय दिन पाउँदैनौँ ।
बिहान गरिने सानो शारीरिक व्यायाम वा आफ्नो लागि छुट्याइएको समयले शरीरलाई मात्र होइन, मनलाई पनि शान्त र relaxed बनाउँछ।
तर थाहा हुँदाहुँदै पनि धेरैजसो हामीले नियमित रूपमा लागू गर्न सक्दैनौँ।
तपाईंको बिहानको रुटिन कस्तो हुन्छ?
तपाईं आफ्नो लागि समय कसरी निकाल्नुहुन्छ ? लेख्नुहोला 🙏
तपाईको अनुभवबाट धेरैलाई motivation मिल्न सक्छ।
DR. OM MURTI ANIL
@swasthyapharmacy
1 day ago (edited) | [YT] | 7
View 0 replies
SWASTHYA PHARMACY
हावाहुरीबाट जोगिन के-कस्ता तयारी गर्ने ? थाहा पाइराखौं...
हेलो गृह मन्त्रालय #follower #highlight #windstorm
@swasthyapharmacy
3 days ago | [YT] | 4
View 0 replies
SWASTHYA PHARMACY
अहिले नेपालमा क्यान्सर उपचारमा प्रयोग हुने औषधि Carboplatin र Cisplatin नामको औषधिहरू बजारमा प्रयाप्त मौजदात नभएर Shortage भएको गुनासो आइरहेको छ। तपाईंहरूको कोही बिरामीलाई सो औषधि चाहिएको खण्डमा नेपाल औषधि आयातकर्ता संघका अध्यक्ष पवन आचार्य सर सँग सम्पर्क गरेपछि उहाँले उपलब्ध गराउनुहुनेछ। यो अफ्ठ्यारो समयमा बिरामीहरुलाई सहयोगको प्रतिबद्धता गर्नुभएकोमा यहाँलाई धेरै धन्यवाद।🙏
@swasthyapharmacy
4 days ago | [YT] | 9
View 0 replies
SWASTHYA PHARMACY
कुनै पार्टीमा जानुभयो र तपाईंलाई यी पेय पदार्थहरू मध्ये एउटा रोज्न भनियो भने, तपाईंको पहिलो रोजाइ कुन हुनेछ र किन ?
👇👇
पानी
मोही
कागती पानी
जुस / कोल्ड ड्रिंक
@swasthyapharmacy
5 days ago | [YT] | 3
View 0 replies
SWASTHYA PHARMACY
दाङ लगायत छिमेकी जिल्लामा बढेको अत्यधिक गर्मीबाट बच्न निम्न सावधानीहरू अपनाउनुहोला!!!
• अत्यावश्यक काम बाहेक दिउँसो घाममा ननिस्कने।
• प्रशस्त मात्रामा पानी, झोल पदार्थ तथा थोरै बिरे नुन राखेर जुस पिउने।
• हल्का, पातलो र पुरा बहुला भएको सुती कपडा लगाउने।
• बाहिर निस्कँदा टोपी, छाता वा सनग्लास प्रयोग गर्ने।
• धेरै गर्मी हुने ठाउँमा लामो समय नबस्ने।
• बालबालिका, ज्येष्ठ नागरिक र बिरामीलाई विशेष ध्यान दिने।
• बासी तथा धेरै मसालेदार खानेकुरा नखाने।
• घरभित्र हावा चल्ने वातावरण बनाउने र सकेसम्म चिसो ठाउँमा बस्ने।
• शरीर अत्यधिक तात्ने, टाउको दुख्ने, चक्कर लाग्ने वा बेहोस हुने लक्षण देखिए तुरुन्त स्वास्थ्य संस्थामा सम्पर्क गर्ने।
• खेतबारी वा बाहिरी काम गर्नेहरूले बीच–बीचमा आराम गर्ने र पानी पिउने ।
वर्षायाम सुरु नहुँदै अहिले बजारमा आएका बेमौसमी फलफुल आप लिची जस्ता फलफुलहरू नखाइदिनुहोला।
@swasthyapharmacy
5 days ago | [YT] | 2
View 0 replies
SWASTHYA PHARMACY
भोजपुर नगरपालिका–१, दादाभोकिमका ( Dadabokhim) एक किशोरमा लेप्रोमेटस कुष्ठरोग (Lepromatous Leprosy) को केस पहिचान भएको छ। विगतको इतिहास बुझ्दा उनका बुवामा केही वर्षअघि कुष्ठरोग देखिएको रहेछ तर उपचारको पूरा मात्रा (full course) पूरा नगरेको पाइयो। त्यसपश्चात संक्रमण परिवारभित्रै सरेको हुन सक्ने अनुमान गरिएको छ।
स्थानीय स्वास्थ्य चौकीका इन्चार्ज ह.अ. दिपेन्द्र पालको सक्रिय पहलमा यो केस पहिचान गरिएको हो। हाल भोजपुर नगरपालिका र नेपाल लेप्रोसी ट्रस्टको संयुक्त समन्वयमा बिरामीको उपचार भइरहेको छ।
यो घटनाले अझै पनि नेपालका ग्रामीण क्षेत्रमा कुष्ठरोग विद्यमान रहेको यथार्थलाई उजागर गरेको छ। समयमै पहिचान, पूर्ण उपचार, जनचेतना र सम्बन्धित निकायहरूको समन्वित प्रयासमार्फत मात्र यस्ता रोगहरूको नियन्त्रण सम्भव छ।
Picture taken with consent
Pic by: @DrAakash Rawat
@swasthyapharmacy
6 days ago | [YT] | 45
View 0 replies
Load more