عشاق الدراجات

فيدونج الخامس فابور متعة مايحسو بيها غي ناس ديال 800 ملل

2 months ago | [YT] | 6

عشاق الدراجات

" عندك وراقيها ، ماعندكش الله يعونك " ... هادشي لي سمعنا من شرطي فمدينة القنيطرة لصاحب تروتينيت او من بعد قاليه ورقة الشراء ... او هذاك لي شراها قديمة او لي شراها من السوق بلا كارونتي من الماحال إذن هذا غاتمشي ليه !! بغينا رجال الأمن كاينطقو بالقانون ويوضحو لأمور للناس باش تعرف لي ليها اولي عليها راه الناس تلفات او مابقاتش عارفة لي قانوني او لي ماشي قانوني 😐

3 months ago | [YT] | 5

عشاق الدراجات

فينكم اللي كنتو كاتقولو كانحسدهم على هاد الموطور مين كنت كنحذر الناس مايشريوهش بداك الثمن
تخيّل معايا أخي : واحد شرا هاد المجمر بـ 19 ألف درهم، ودابا ولاّو كيتباعو غير بـ 12 ألف.

هنا خاصك تفهم شافيق بلي هامش الربح فهاد القشاوش عشورة وماشي محدود.
راه حتى بـ12 ألف راه مازال رابح فيه ربح صحيح.

إلى بغيت تعرف منين جات هاد الحالة؟
جات من عند درويش كان كايحلم يركب على S-H،
والشناقة جابو ليهم هاد اللعبة ديال الشينوة،
وبقاو كيطيحو فالثمن، الله يهدي، تحطيم ديال الأسعار،
وتطوير ما كيوصلش حتى لـ جوج ملايين،
وفي الأخير كيعطيو لبنادم لراسو.

تحياتي لكم،
وشكرًا 🫡

5 months ago (edited) | [YT] | 4

عشاق الدراجات

⚠️ نصيحة مهمّة لكل واحد ناوي يدير بيرمي الموتور (A1 / A)

هاد الأيام ولات كثار الهضرة على “البيرمي بـ 300 درهم”، والناس ولات كتخاف تضيع الفرصة… ولكن قبل ما تغامر، خاصك تعرف الحقيقة باش ما تطيحش فالنصب ولا التغليط! 🚫🧠

🔍 أول نقطة: الحقيقة فالثمن

الثمن الرسمي دابا فالمغرب ما تغيّرش:

التكوين الإجباري: حوالي 2100 درهم

المجموع كامل: ما بين 3200 – 3300 درهم

يعني إلا سمعت شي واحد كيهضر على “بيرمي بـ 300 درهم” 🤨
فهم راه يا إشهار كاذب، يا إما كيهضر غير على رسوم الملف وماشي الثمن الإجمالي.

🛵 ثاني نقطة: شنو خاصك دير؟

بغيتي تسوق 125cc؟ خاصك A1

بغيتي تسوق جميع أنواع الموتورات؟ خاصك A
والفرق فالثمن بيناتهم صراحة ما كبيرش بزاف 👍

🟢 ثالث نقطة (المهمّة بزاف):

صحيح كاين اقتراح حكومي باش يهبطو الثمن لـ 200–300 درهم…
ولكن 👈 مازال ما تطبّق حتى شي حاجة رسمياً.
حتى تخرج NARSA ببلاغ رسمي… كلشي اللي كيتقال غير هضرة فايسبوك 🌐📵

✔️ نصيحتي ليك:

منين تمشي لمدرسة السياقة:

سول على الثمن الكامل 📝

وما تخلّص حتى تكون فاهم كلشي اللي داخل فالسومة

واختار غير المدارس القانونية المرخّصة ✔️🏫

باش يخرج بيرميك قانوني، مضمون، وبلا صداع الراس 😎🟩

6 months ago | [YT] | 4

عشاق الدراجات

كاينين بزاف ديال الناس معانا هنا اللي كيفكرو يدوزو البيرمي ديال الدراجات النارية A،
اللي كيسمح ليك تسوق أي موطور بغيتي 👍

ولكن بزاف منهم ما كيعرفوش الإجراءات، ولا كيفاش كيدوز البيرمي، ولا بشحال، ولا شحال ديال الوقت كيتطلب باش يجيبو.

فهاد البوست، غادي نعطيك الطريقة الصحيحة باش تاخد بيرمي الموطور بسهولة ومن أول اختبار ✅

🔹 أولاً:
غادي تمشي تسجل فمدرسة تعليم السياقة اللي قريبة ليك.
وثمن بيرمي الموطور كيتراوح ما بين 2000 درهم و2500 درهم حسب المدرسة 👍

بالنسبة للوثائق:

صورة من البطاقة الوطنية

وصورة من رخصة السياقة (إلى كنتي عندك بيرمي B ديال السيارة) 👍

وغادي تمشي تكاليزي الورقة الطبية وتجيبها للمدرسة.
ومن بعد، مول المدرسة غادي يحدد ليك تاريخ الامتحان على حساب الوقت اللي بغيتي تراجع فيه.
وأحسن مدة هي شهر كامل، غادي تقدر فيه تقرا مزيان وتنجح إن شاء الله 👍

🔹 ثانياً:
غادي تاخد كود التسجيل في منصة Perminou الخاصة بـ NARSA للتعليم عن بُعد 👍
الرابط هو 👇
perminou.narsa.gov.ma/accounts/signin/?next=/quize…

هاد المنصة مهمة بزاف، لأنها كتخليك تقرا من دارك ومن تليفونك فأي وقت،
وفيها جميع الدروس والمعلومات المتعلقة بإمتحان تعليم السياقة 👍

عدد أسئلة الامتحان الخاص بالدراجة النارية A:

46 سؤال فالمجموع

منها 38 سؤال خاص بسيارات وقانون السير 🚗

و8 أسئلة خاصة بالدراجات النارية وكيفية التعامل معها 🏍️

باش تنجح، خاصك تجيب 38/46 ✅

إلى نجحتي فالإمتحان النظري، كتمشي دوز إمتحان السياقة العملي على الدراجة النارية،
واللي كيكون ساهل بزاف إلى حضرت حصص تدريبية فالمدرسة ✅

يعني دابا، غير من تليفونك تقدر تقرا الكود وتوجد للإمتحان،
وفي ظرف شهر واحد فقط تقدر تنجح وتتهنى من البيرمي 👍

كلشي كيبقى فـ الرغبة والنية، وشهر كيدوز بالزربة 👌

🔹 ملاحظة مهمة:
منصة Perminou NARSA كتسجل فيها برقم البطاقة الوطنية ديالك،
وكتدخل ليها بالكود الشخصي ديالك.

وخاصك تعرف أن النظام كيسجل شحال ديال الوقت قريتي فيه،
وشحال ديال الوقت دوزتي فكل محور، وكيطلع ليهم فالسيستيم أنك فعلاً قريتي فالمنصة.

وهذا كيعطيك حظوظ كبيرة باش تنجح من أول امتحان ✅

يعني راه مهمة بزاف،
وماشي غير تمشي لليوتيوب بوحدو، راه ما كافيش 👍

🙏 الله يسهل على أي واحد فيكم باغي يدوز البيرمي.

7 months ago | [YT] | 3

عشاق الدراجات

📢 استطلاع رأي مهم لمتابعيني الأعزاء!
هل ترغبون أن أقدم المزيد من الفيديوهات عن SH Bécane 2025؟ 🏍️
رأيكم يهمني جدًا ويساعدني في تطوير محتوى القناة، فلا تبخلوا بالمشاركة! 🙏❤️
💬 لديك اقتراح آخر (اكتبه في التعليقات)

1 year ago | [YT] | 4

عشاق الدراجات

🔴 نقاش مفتوح لناس الموطورات 🔴
شحال كتستاهل فثمنها فنظركم ⁉️
حاليا الثمن اللي خرجات بيه هو 19.000 درهم 💸
واش كتشوفوها زايدة شوية ولا معقولة ⁉️
بارطاجيو آراءكم فالتعاليق 👇

#موطور #موتور #موطورات #موتور_معدل #موتور_ريثمي #moto #moto_maroc #custom_bike #adventure_bike #prix_moto #moto_fyp #المغرب

1 year ago (edited) | [YT] | 14

عشاق الدراجات

هذه هي رساله نارسا الوكاله الوطنيه للسلامه الطرقيه لمراكز الفحص التقني لافيزيت بخصوص الدراجات الناريه المعدله

🔹 #نارسا
🔹 #مراكز_الفحص_التقني
🔹 #دراجات_نارية

1 year ago | [YT] | 7

عشاق الدراجات

نارسا تراسل مراكز الفحص التقني بالمغرب لوقف تسجيل دراجات نارية مخالفة

راسلت الوكالة الوطنية للسلامة الطرقية نارسا خلال شهر ماي الجاري، جميع مراكز الفحص التقني (لافِيزِيت) بالمغرب، تأمرهم بالتوقّف الفوري عن تسجيل بعض أنواع الدراجات النارية، خاصة "PB8S1" و**"DOCKER/GHOST-R"**.

وتأتي هذه المراسلة، حسب مصادر مهنية مطلعة، في إطار سلسلة من الإجراءات التي اتخذتها "نارسا" لمطالبة محلات الفحص التقني بوقف تسجيل مجموعة من أصناف الدراجات النارية، بسبب تجاوز سعة الأسطوانة (السي سِي) للحدود القانونية التي تنص عليها مدونة السير المعمول بها في المغرب.

تهدف هذه الخطوة إلى تعزيز السلامة الطرقية وضمان مطابقة المركبات لمعايير السلامة والتقنين.

🔹 #نارسا
🔹 #مراكز_الفحص_التقني
🔹 #دراجات_نارية

1 year ago | [YT] | 8

عشاق الدراجات

ردو بالكم...

1 year ago | [YT] | 6