Life Radio & TV

🏡 Ikiganiro cy'Umuryango

Tuganire ku nsanganyamatsiko igira iti: "Ishusho narimfite y'urugo n'ukuri nasanze maze gushaka." Mwifatanye natwe kuri Life Radio 96.0 FM na Life TV saa 19:45-20:45. #IkiganiroCyUmuryango #LifeRadioTV

1 day ago | [YT] | 21

Life Radio & TV

🎙️ Uyu munsi mu Amateraniro ya Life Radio & TV!
Ijambo ry'Imana na Rev. Ndayizeye Isaïe na Korari Inshuti za Yesu Choir.

🕖 19:00 – 21:00
📻 Life Radio 96.0 FM | 📺 Life TV

#LifeRadioTV #AmateraniroYaLifeRadioTV

Amateraniro Yose: youtube.com/live/sjXb2TNAIUA

3 days ago | [YT] | 43

Life Radio & TV

Kuri uyu wa Gatandatu tariki ya 13 Kamena, Umushumba Mukuru Wungirije w’Itorero ADEPR, Rev. Eugène Rutagarama, ari kumwe n’Umunyamabanga Nshingwabikorwa w’Intara y’Iburengerazuba, Madame Uwambajemariya Florence, bifatanyije n’abakristo b’Itorero ADEPR Ururembo rw’Iburengerazuba, mu gikorwa cyo kwibuka ku nshuro ya 32 Jenoside yakorewe Abatutsi.
‎
‎Iki gikorwa cyabereye ku cyicaro cy’Ururembo rw'Iburengerazuba, hanibukwaga abari Abakristo b’Itorero ADEPR bishwe bazize Jenoside yakorerwe Abatutsi.

Umushumba Mukuru Wungirije w’Itorero ADEPR Rev. Eugène Rutagarama, yibukije abitabiriye iki gikorwa ko Jenoside atari ubushake bw’Imana ahubwo ari amahitamo mabi abantu bagize anasaba Abanyetorero gusigasira ubumwe bw’Abanyarwanda birinda amacakubiri.

Umunyamabanga Nshingwabikorwa w’Intara y’Iburengerazuba Madam Florance UWAMBAJEMARIYA wari Umushyitsi Mukuru, yashimye abarokotse Jenocide yakorewe Abatutsi k’ubutwari, kubaho no kwiyubaka bakomeje kugaragaza, anashimira Itorero ADEPR ridahwema kubitaho mu buryo bwuzuye.

Mu bindi bikorwa, Itorero ADEPR Ururembo rw’Iburengerazuba, bashyikirije abarokotse Jenoside yakorewe Abatutsi inzu 7 ndetse n’indi 1 yasaniwe nyirayo. Hanorojwe abagera kuri 4 inka, zizabafasha kwiteza imbere.

Ururembo rw’Iburengerazuba, rugizwe na Paruwasi 7 ziri mu turere 7. By’umwihariko, uru Rurembo rwibutse abari abapasitori 24, abavugabutumwa 22 n’abadiyakoni ndetse n’abakristo barenga ibihumbi 2498, babarizwaga mu cyahoze ari Perefegitura ya Gisenyi, Kibuye na Cyangugu.

Skip the Carousel

1 2 3 4 5 6 7 8 9 10

1 week ago | [YT] | 56

Life Radio & TV

#Ntucikwe n'ikiganiro #LoveMatters cyo kuri uyu wa Gatandatu kigaruka ku buryo wahitamo uwo muzabana

●Ese wahitamo ute uwo muzabana?
●Ni ibihe bintu by’ingenzi wagenderaho ufata icyemezo cyo kurushinga?

Kurikira #LifeRadio na #LifeTV usobanukirwe amwe mu mahame y’ingenzi yagufasha guhitamo uwo bazabana mu buryo bwubaka urugo rukomeye kandi rurambye.

1 week ago | [YT] | 44

Life Radio & TV

Umushumba Mukuru ari kumwe n'Umuyobozi Nshingwabikorwa Wungirije @KicukiroDist bifatanyije na Paruwasi ya Kicukiro mu #Kwibuka32. Iki gikorwa kiri kubera #Ruyaga cyabanjirijwe no guha inzu (two in one) imiryango 2 itishoboye yarokotse Jenoside yakorewe Abatutsi. @Unity_MemoryRw

Skip the Carousel

1 2 3 4

1 week ago | [YT] | 27

Life Radio & TV

Uyu munsi saa 19:45–20:45 kuri Life Radio 96.0 FM na Life TV, ntucikwe n'ikiganiro "Ikiganiro cy'Umuryango" kivuga ku nsanganyamatsiko: "Uburyo buboneye bwo kubaka umuryango mwiza utekaneye."

#IkiganiroCyUmuryango #LifeRadio #LifeTV

1 week ago | [YT] | 30

Life Radio & TV

Kuri uyu wa Kane Abanyeshuri biga muri Le Paradis Des Anges, ishuri ry'Irorero ADEPR muri Paruwasi ya Rwamagana bakoreye urugendo shuri ku Inteko inshinga amategeko y'u Rwanda iri mu Mujyi wa Kigali.

Bavuga ko bishimiye uru rugendo shuri kuko bungutse byinshi birimo kumenya imikorere y'abadepite n'abasenateri ndetse bakanasobanurirwa amateka ya Jenoside yakorewe Abatutsi n'imigendekere y'urugamba rwo kuyihagarika.

#Liferadio_tv #96fm

Skip the Carousel

1 2 3 4

1 week ago | [YT] | 27

Life Radio & TV

Mu kiganiro #UbuzimaBwuzuye turaganira n'abatumirwa bavuye muri #RBCRwanda ku Bwoko bw'amaraso Blood Groups) n'itangwa ryayo. Ni nde wemerewe gutanga amaraso? Ese ni ibiki abantu bakunze kwibeshyaho ku itangwa ry'amaraso?

#Ntucikwe guhera saa 16:00 kuri #LifeRadio na #LifeTV

1 week ago | [YT] | 12

Life Radio & TV

Kuri uyu wa Gatandatu Tariki 6 Kamena, Itorero ADEPR Paruwasi Nyarugenge, ryibutse Ku nshuro ya 32 Jenoside yakorewe Abatutsi mu 1994, ndetse n’abahoze ari abanyetorero. Iki gikorwa cyitabiriwe n’Umushumba Mukuru w’Itorero ADEPR, Rev. Isaïe NDAYIZEYE wari umushyitsi Mukuru, ndetse n’abayobozi bo mu nzego za Leta barimo Umuyobozi w’Imirimo Rusange mu Karere ka Nyarugenge, Betty MUREBWAYIRE, n’abandi.

Ni igikorwa cyabanjirijwe no gutanga Inzu ku warokotse Jenoside wo mu Karere ka Nyarugenge, ndetse no kunamira abajugunwe mu mugezi wa Nyabarongo

Muri uyu muhango, Umushumba Mukuru w’Itorero ADEPR yasabye abagize uruhare muri Jenoside yakorewe Abatutsi gusaba Imbabazi bityo, babashe kwakira Imbabazi z’Imana.

Yagize ati: “Abantu bagize uruhare bagakora Jenoside yakorewe Abatutsi, ntabwo twasoza tutabasabye gusaba Imbabazi kubatarabikora, bamwe ntabwo bitabira ibiganiro nk’ibi ariko bakwiye kubikora kugira ngo bakire imbabazi z’Imana.”

Umuyobozi w’Imirimo Rusange mu Karere ka Nyarugenge, Madame Betty MUREBWAYIRE, yashimye Itorero ADEPR ibikorwa rikora, mu guteza imbere imibireho myiza y’abaturage, by’umwihariko abarokotse Jenoside yakorewe Abatutsi.

“Ndashimira Itorero ADEPR Nyarugenge ku gikorwa cyiza mwakoze kuri iyi nshuro ya 32 Twibuka Jenoside yakorewe Abatutsi, aho mwubakiye icumbi ryiza Umuryango warokotse twamugejejeho uyu munsi, kuba hari inkunga y’ubushobozi mwateye imishinga mito yo guteza imbere abakiri mu rugendo rwo kwiteza imbere nk’uko byakomojweho, Miliyoni 6 mwatanze turabashimiye. Nk’umuryango nyarwanda, abarokotse tubagomba ibikorwa nk’ibyo.”

Itorero ADEPR Paruwasi ya Nyarugenge, ryibutse abazize Jenoside yakorewe Abatutsi mu 1994, barimo Abanyetorero baryo bagera kuri 312 bazize Jenoside yakorewe Abatutsi.

#Kwibuka32 #TwibukeTwiyubaka #NeverAgainRwanda

Skip the Carousel

1 2 3 4 5 6 7 8 9 10

2 weeks ago | [YT] | 84

Life Radio & TV

‎Ntucikwe n'Ikiganiro cy'Umuryango!
‎Imiterere kamere ya muntu (temperaments) igira uruhare rukomeye mu kubaka umuryango mwiza. Sobanukirwa nawe ndetse n'abo mubana kugira ngo urushaho kubaka urugo rwiza.
‎
‎Ikiganiro cyose: youtube.com/live/_N9VAtYUfg8?si=2OeQrmrM_hIiWUWF
‎
‎
‎#IkiganiroCyUmuryango #UmuryangoMwiza #LifeRadioTV #Temperaments #KubakaUmuryangoMwiza

2 weeks ago | [YT] | 25