RURAL MEDIA is dedicated to give their audience variety of informative content about Agriculture Trends, Rural Skills and traditions and their products.Culture, Success Stories, which are deviant and out of the ordinary.
RURAL MEDIA is your one stop destination to uncovering the answers to all.
And anyone can contribute to RURAL MEDIA. Shoot for us, report for us,
your material is welcome so long as it meets the standards of this Channel and falls within our mandate, the everyday lives of everyday people.
Subscribe to the New Emerging World Of Journalism today,
youtube.com/channel/UCB-qo7KffgImZXIBImIuWSQ?view_…
With love
ShyamMohan,Editor
#Ruralmedia
email : smrm5858@gmail.com
Rural Media
పెరటి మొక్కల పెంపకం పై ఈ రోజు కొంత
ప్రాక్టికల్ అధ్యయనం చేశాం.
11 hours ago | [YT] | 12
View 0 replies
Rural Media
‘ ఇంట్లో జొన్న రొట్టెలు అవసరం అయ్యాయి. ఒక షాపు దగ్గరకు వెళ్తే గంట సేపు వెయిట్ చేస్తే గానీ రొట్టెలు రడీ కాలేదు. గిదేందబ్బా... ఈ రోజుల్లో కూడా చేతుల తో రొట్టెలు నొక్కుడు ఏందీ? మనమే ఇంతకంటే త్వరగా రొట్టెలు చేసి అమ్ముకోవచ్చు కదా అనే ఆలోచన వచ్చింది. అలా ఈ మిషన్ ఏర్పాటు చేసుకున్నాను. జస్ట్ పిండి కలిపి వేస్తే చాలు. స్మూత్గా గంటకు 400 జొన్న రొట్టెలు వస్తాయి. ఆడవాళ్లు ఇంట్లోనే ఈ పని చేస్తూ, రోజుకు 1000 నుండి 1500 ఈజీగా సంపాదించుకోవచ్చు..’ అని,A to Z రొట్టెలు ఎలా చేయాలో ఉత్సాహంగా చెప్పింది కవిత. Watch - https://youtu.be/f5xW_JPuM3k
23 hours ago | [YT] | 0
View 0 replies
Rural Media
మేము ఒక వీడియో చేస్తున్నపుడు “ఇది వైరల్ అవుతుందా?” అనే ప్రశ్న దగ్గరే ఆగకుండా... “ఈ కథ చూసిన వీక్షకులకు ఏమైనా కొత్తగా తెలిసిందా? ఒక రైతుకు కొత్త ఆలోచన వచ్చిందా? ఒక యువకుడికి బతుకు పట్ల నమ్మకం కలిగిందా?” అని కూడా ఆలోచిస్తున్నాం. అదే ఈ స్టోరీ https://youtu.be/5oh3HVKRSGc
1 day ago | [YT] | 4
View 0 replies
Rural Media
వర్షాలు ఆలస్యమైతే రైతు మాత్రమే కాదు, దేశమంతా ప్రభావితమవుతుంది. ఆహార ఉత్పత్తి తగ్గుతుంది. కూరగాయల ధరలు పెరుగుతాయి. తాగునీటి సంక్షోభం తీవ్రమవుతుంది. విద్యుత్ ఉత్పత్తి నుంచి పశుసంవర్థక రంగం వరకు ప్రభావం పడుతుంది. గ్రామీణ ఆర్థిక వ్యవస్థలో మందగమనం ప్రారంభమవుతుంది.
అందుకే మాన్సూన్ను కేవలం వాతావరణ వార్తగా కాకుండా జాతీయ ఆర్థిక అంశంగా చూడాల్సిన అవసరం ఉంది.
ఇప్పుడు చేయాల్సింది ఏమిటి?
ఈ పరిస్థితిని ఎదుర్కోవడానికి ప్రభుత్వం, శాస్త్రవేత్తలు, రైతులు కలిసి పనిచేయాలి......
1 day ago | [YT] | 14
View 0 replies
Rural Media
ప్రతి ఏడాది... మన దేశంలో కోట్లాది రూపాయల విలువైన జీడిమామిడి పండ్లు రైతుల కళ్ల ముందే నేల పాలవుతున్నాయి.
అలా ప్రతి సంవత్సరం సుమారు 40 లక్షల టన్నుల పండ్లు తోటల్లోనే కుళ్లిపోతున్నాయి.
కానీ...ఇపుడు అవే పండ్లతో జ్యూస్ , జామ్, ఊరగాయ, కాండీ, టూటీ ఫ్రూటీతో సహా పదిరకాల ఉత్పత్తులను తయారు చేస్తున్నారు. త్వరలో ఒక భారీ ఆహార పరిశ్రమగా మారబోతున్న ఈ విజయం వెనుక ఉన్న ఒక సైంటిస్ట్, కొందరు ఆదివాసీ మహిళల కథ https://youtu.be/5oh3HVKRSGc
2 days ago | [YT] | 2
View 0 replies
Rural Media
అసలు ఉద్దానం లో ఏమి జరిగింది ? రూరల్ మీడియా గ్రౌండ్ రిపోర్ట్ లో నమ్మలేని నిజాలు https://youtu.be/Rx0_55IjyM8
2 days ago | [YT] | 2
View 0 replies
Rural Media
ఇది వర్షాభావం కాదు... ‘వాటర్ గవర్నెన్స్’ వైఫల్యం
ఇజ్రాయెల్లో మనకంటే చాలా తక్కువ వర్షం పడుతుంది. అయినా అక్కడ ప్రతి నీటి బొట్టును రెండుసార్లు ఉపయోగిస్తారు.
సింగపూర్లో సహజ నీటి వనరులు చాలా పరిమితంగా ఉన్నాయి. అయినా ప్రపంచంలో అత్యంత సమర్థవంతమైన నీటి నిర్వహణ వ్యవస్థను నిర్మించింది.
ఆస్ట్రేలియా ఎన్నో కరువులను ఎదుర్కొంది. కానీ వాటిని శాస్త్రీయ ప్రణాళికలతో అధిగమించింది.
ఈ దేశాలు నీటిని రాజకీయ అంశంగా కాకుండా జాతీయ భద్రతా అంశంగా చూశాయి.
మన దగ్గర మాత్రం వర్షం పడితే ప్రభుత్వం గొప్పదని, పడకపోతే ప్రకృతి తప్పు అని భావించడం కొనసాగుతోంది.....
.............................
రెండు తెలుగు రాష్ట్రాలకు ‘వాటర్ సెక్యూరిటీ ఎమర్జెన్సీ’ ప్రకటించాల్సిన సమయం ఆసన్నమైంది
చరిత్రలో కొన్ని సందర్భాలు వస్తాయి. ఆ సమయంలో ప్రభుత్వాలు తీసుకునే నిర్ణయాలు ఒక తరం భవిష్యత్తును నిర్ణయిస్తాయి. ఈ రోజు రెండు తెలుగు రాష్ట్రాలు అలాంటి కీలక మలుపు వద్ద నిలబడి ఉన్నాయి.
ఆకాశంలో మేఘాలు కనిపించడం లేదు. పొలాల్లో పచ్చదనం లేదు. చెరువుల్లో నీరు లేదు. రైతు కళ్లలో ఆశ కనిపించడం లేదు. అయితే రాజకీయాల్లో మాత్రం ఎలాంటి మార్పూ లేదు. ఆరోపణలు, ప్రత్యారోపణలు, ఎన్నికల లెక్కలు, అధికార పోరాటాలే ప్రధాన చర్చలుగా కొనసాగుతున్నాయి.
కానీ రైతు అడుగుతున్న ప్రశ్న ఒక్కటే.
"వర్షం పడకపోతే నేను బతకడం ఎలా?"
ఈ ప్రశ్నకు ఇప్పటివరకు ఏ రాజకీయ పార్టీ దగ్గరా స్పష్టమైన సమాధానం కనిపించడం లేదు. రాయలసీమలో నేల మళ్లీ చిట్లిపోతోంది. తెలంగాణలో రైతులు విత్తనాల సంచులు తెరిచి ఆకాశం వైపు ఎదురుచూస్తున్నారు. వేలాది ఎకరాల్లో సాగు ప్రారంభం కాలేదు. గ్రామాల్లో ఆందోళన పెరుగుతోంది.
అటు హైదరాబాద్లో పరిస్థితి కూడా భిన్నంగా లేదు. భూగర్భ జలాలు వేగంగా పడిపోతున్నాయి. వేలాది కుటుంబాలు ట్యాంకర్లపై ఆధారపడుతున్నాయి. ఒకప్పుడు నగరానికి నీరు సరఫరా చేసిన చెరువులు, వాగులు ఇప్పుడు నగర విస్తరణకు బలైపోయాయి.
మనకు ఇప్పుడు ఒక ప్రశ్న వేసుకోవాల్సిన సమయం వచ్చింది.
నీళ్లు అందించే నగరం... నీళ్లు కొనుక్కునే నగరంగా ఎలా మారింది? ఈ సంక్షోభానికి కారణం ఒక్క వర్షాభావం కాదు.
గత ఐదు దశాబ్దాలుగా వర్షపు నీటిని భూమిలో నిల్వ చేయకుండా, భూగర్భ జలాలను మాత్రం విచ్చలవిడిగా వినియోగించాం. చెరువులను పూడ్చేశాం. వాగులను ఆక్రమించాం. అడవులను తగ్గించాం. నీటి అవసరం ఎక్కువగా ఉండే పంటలను విస్తరించాం.
ఒకప్పుడు ప్రతి గ్రామంలో కనిపించే చిన్న కుంటలు, మట్టి గుంతలు, వర్షపు ప్రవాహ మార్గాలు, సహజ జలమార్గాలు నేడు కనుమరుగైపోయాయి.
ప్రకృతి మాత్రం ఈ లెక్కలను ఎప్పుడూ మర్చిపోదు. ఇప్పుడు అదే లెక్కను మన ముందుంచుతోంది. రైతు కోసం కొత్త వ్యవసాయ విధానం అవసరం
వర్షం ఆలస్యమైతే ఏ పంట వేయాలి? ఎంత విస్తీర్ణంలో వేయాలి? ఎంత నీరు అవసరం? ప్రత్యామ్నాయ విత్తనాలు ఎక్కడ దొరుకుతాయి? నష్టాన్ని ఎలా తగ్గించుకోవాలి?
ఈ సమాచారం ప్రతి రైతు మొబైల్కు చేరాలి. ప్రతి మండలంలో క్లైమేట్ వ్యవసాయ కమాండ్ సెంటర్ ఏర్పాటు చేయాలి.
హైదరాబాద్కు ట్యాంకర్లు కాదు... కొత్త నీటి సంస్కృతి కావాలి
ట్యాంకర్ అనేది శాశ్వత పరిష్కారం కాదు. అది కేవలం అత్యవసర చికిత్స మాత్రమే.
ప్రతి భవనంలో పనిచేసే రైన్వాటర్ హార్వెస్టింగ్ వ్యవస్థ ఉండాలి. శుద్ధి చేసిన మురుగునీటిని పరిశ్రమలు, ఉద్యానవనాలు తప్పనిసరిగా వినియోగించాలి. చెరువులను పునరుద్ధరించాలి. భూగర్భ జలాల వినియోగాన్ని డిజిటల్ పద్ధతిలో పర్యవేక్షించాలి.
రెండు రాష్ట్రాలు వెంటనే చేపట్టాల్సిన పది చర్యలు
1, రెండు రాష్ట్రాలు ‘వాటర్ సెక్యూరిటీ ఎమర్జెన్సీ’ ప్రకటించాలి. ప్రతి వారం నీటి నిల్వలు, భూగర్భ జలాల స్థాయిపై ప్రజలకు అధికారిక సమాచారం ఇవ్వాలి.
2, ప్రతి జిల్లాకు ప్రత్యేక కరువు కార్యాచరణ ప్రణాళిక సిద్ధం చేయాలి.
3, తక్కువ నీటితో సాగయ్యే చిరుధాన్యాలు, పప్పుధాన్యాలు, నూనెగింజలు, పశుగ్రాస పంటలకు ప్రత్యేక ప్రోత్సాహకాలు ప్రకటించాలి.
4, ప్రతి గ్రామానికి వాటర్ బడ్జెట్ రూపొందించాలి. గ్రామానికి ఎంత వర్షం పడుతుంది? ఎంత నీరు నిల్వ చేయవచ్చు? ఎంత వినియోగించాలి? అనే లెక్క ప్రజల ముందుండాలి.
5, ఫార్మ్ పాండ్లు, రీఛార్జ్ పిట్స్, చెక్డ్యామ్లు, పెర్కొలేషన్ ట్యాంకులు, కాంటూర్ ట్రెంచ్లు వంటి నిర్మాణాలను పెద్ద ఎత్తున చేపట్టాలి.
6, భూగర్భ జలాల వినియోగంపై కఠినమైన చట్టాలు తీసుకురావాలి. 7, ప్రతి నగరంలో శుద్ధి చేసిన మురుగునీటి పునర్వినియోగాన్ని తప్పనిసరి చేయాలి.
8, ప్రతి ప్రభుత్వ భవనంలో వర్షపు నీటి సంరక్షణ వ్యవస్థ సమర్థంగా పనిచేస్తుందో లేదో క్రమం తప్పకుండా తనిఖీ చేయాలి.
9, చెరువులు, వాగుల ఆక్రమణలను అత్యంత తీవ్రమైన పర్యావరణ నేరంగా పరిగణించాలి.
10, ముఖ్యమంత్రి అధ్యక్షతన క్లైమేట్ అండ్ వాటర్ సెక్యూరిటీ కౌన్సిల్ ఏర్పాటు చేసి, నీటి నిర్వహణను అన్ని శాఖల సమన్వయంతో అమలు చేయాలి.
రాజకీయ నాయకులకు ఒక ప్రశ్న
మీ నియోజకవర్గంలో ఎన్ని చెరువులు ఉన్నాయి? వాటిలో ఎన్ని పునరుద్ధరించబడ్డాయి? ఎన్ని రీఛార్జ్ బావులు నిర్మించారు? ఎన్ని వర్షపు నీటి సంరక్షణ పనులు పూర్తయ్యాయి?
ప్రజలు ఇకపై ఈ ప్రశ్నలనే అడగాలి.
ఎందుకంటే తాగునీరు లేకపోతే అభివృద్ధి ఉండదు. సాగునీరు లేకపోతే వ్యవసాయం ఉండదు. వ్యవసాయం లేకపోతే గ్రామాలు నిలవవు. గ్రామాలు లేకపోతే దేశ ఆర్థిక వ్యవస్థకు బలమైన పునాది ఉండదు.
ఈ దేశంలో ప్రభుత్వాలు మారుతాయి. రాజకీయ పార్టీలు మారుతాయి. ఎన్నికలు వస్తుంటాయి.
కానీ ఒక విషయం మాత్రం మారదు.
వర్షం కురిసే రోజే వచ్చే ఏడాది నీటిని సేకరించాలి.
ప్రకృతి ప్రతి ఏడాది మనకు ఒక అవకాశాన్ని మాత్రమే ఇస్తుంది. ఆ అవకాశాన్ని కోల్పోతే, మన పిల్లలు ట్యాంకర్ల కోసం క్యూలో నిలబడే భవిష్యత్తును వారసత్వంగా పొందే ప్రమాదం ఉంది. అప్పుడు చరిత్ర మనల్ని ఒక ప్రశ్న అడుగుతుంది.
"వాతావరణ మార్పు గురించి శాస్త్రవేత్తలు దశాబ్దాలుగా హెచ్చరిస్తున్నప్పుడు... మీరు రాజకీయాలు చేశారు. కానీ నీటిని ఎందుకు కాపాడలేదు?"
ఆ ప్రశ్నకు సమాధానం చెప్పాల్సింది రేపటి తరం కాదు. ఈరోజు మనమే. ఇప్పుడే......
- శ్యాంమోహన్ .
ManaTelangana Daily 11.07.2026 See less
2 days ago | [YT] | 10
View 2 replies
Rural Media
అరవై రకాల నాటు టమాటాలు... పది రకాల పచ్చిమిర్చి... మీరు ఎప్పుడూ చూడని చిక్కుడు రకాలు! ఒకే తోటలో ఇన్ని వైవిధ్యమైన కూరగాయలు పెంచుతున్న రైతు గోకుల్ రాజా.ప్రతి మొక్క వెనుక ఒక కథ ప్రతి విత్తనం వెనుక ఒక సంప్రదాయం. https://youtu.be/tJs8Dhutl1U
3 days ago | [YT] | 2
View 0 replies
Rural Media
మదనపల్లి సమీపంలోని తన పొలంలో ఈ రైతమ్మ మాకు సమయం కేటాయించారు.
కానీ ఆమెకు మాకున్నంత తీరిక లేదు. పొలం పని ముగిస్తే ఇంటి పని ఎదురుచూస్తుంది. రైతు జీవితంలో ప్రతి నిమిషం ఎంతో విలువైనది.
అందుకే పని ఆపకుండా తన పని చేసుకుంటూనే మాతో మాట్లాడారు.
ఆమె చెప్పిన ప్రతి మాటలో అనుభవం ఉంది... ప్రతి సలహాలో ఒక పంటను నిలబెట్టే జ్ఞానం ఉంది.
అత్యంత స్పష్టంగా, ఆచరణలో పెట్టగలిగేలా వివరించిన ఆమె మాటలను ఎలాంటి ఎడిటింగ్ లేకుండానే మీ ముందుకు తీసుకువస్తున్నాం.
3 days ago | [YT] | 32
View 1 reply
Rural Media
తెలంగాణ జానపద సంప్రదాయంలో వాన, పంటలు, చెరువులు, ప్రకృతి, గ్రామీణ జీవితం ప్రధాన అంశాలుగా పాటల్లో కనిపిస్తాయి. బతుకమ్మ పాటలు, రైతు పాటలు, పల్లె గీతాలు ఈ సాంస్కృతిక సంపదలో ముఖ్య భాగం https://youtu.be/BOCefdNmjys
3 days ago | [YT] | 1
View 0 replies
Load more