Otdom PIX Notice | កែ ឧត្ដម

ដេញចាប់ថ្ងៃលិច Chasing the Sunset

ដេញចាប់ថ្ងៃលិច ឬព្យាយាមថតថ្ងៃលិច ឯភាសាអង់គ្លេស Chasing the Sunset គឺជាពាក្យប្រើនៅក្នុងការថតរូបសំដៅទៅលើសកម្មភាពនៃការព្យាយាមស្វែងរកកន្លែងថត និងស្ថានភាពពន្លឺខណៈពេលដែលពន្លឺមាស ឬ Golden Hour (ពេលដែលថ្ងៃរៀបលិច) និងផ្ទៃមេឃពណ៌ខៀវ ឬ Blue Hour (បន្ទាប់ពីថ្ងៃលិចចុះក្រោមជើងមេឃបន្តិច) ដើម្បីចាប់យករូបភាពដែលមានសភាពដាស់អារម្មណ៍ ពណ៌ឆើត និងទស្សនីយភាពមានរយៈពេលខ្លី។ វាជាការខំប្រឹងខ្នះខ្នែងប្រើទាំងបច្ចេកទេសដើម្បីថតបានពន្លឺដ៏ល្អ និងការយកចិត្តទុកដាក់ ដាក់អារម្មណ៍ ភាពច្នៃប្រតិដ្ឋ និងជួនកាលរួមបញ្ចូលទាំងអារម្មណ៍លន្លង់លន្លោចដែរ។

ខាងក្រោមនេះគឺជាការពន្យល់បន្ថែម ៖

+ ការចាប់យកពន្លឺ Chasing the Light (ទិដ្ឋភាពខាងបច្ចេកទេស) ៖ អ្នកថតផ្លាស់ប្ដូរកន្លែង ឬពេលវេលាទៅតាមថ្ងៃលិចដើម្បីស្វែងរកពន្លឺដែលចែងចាំងមកល្អ។ វាជាប់ទាក់ទិននឹងការចាប់យកពន្លឺពណ៌មាស (Golden Hour) ជាពេលដែលព្រះអាទិត្យបញ្ចេញកម្ដៅស្រទន់ និងដាស់អារម្មណ៍ឱ្យអស់ពីសមត្ថភាព។
+ បែបបទជីវិតអ្នកថតរូបថ្ងៃលិច A “Sunset Chaser” Lifestyle ៖ សំដៅទៅលើនរណាម្នាក់ដែលជារឿយៗដេញតាមរកទេសភាពដែលគ្មានអ្វីបាំងដូចជា ឆ្នេរសមុទ្រ ភ្នំ ឬដំបូលខ្ពស់ៗដើម្បីជាសក្ខីភាពនៃការផ្លាស់ប្ដូរពីពណ៌ទឹកក្រូចក្រហមទៅជាខៀវស្វាយរបស់ផ្ទៃមេឃជាប្រចាំថ្ងៃ។
+ ការបង្កើតជាសិល្បៈ និងដំណើរប្រាប់សាច់រឿង Creating Art and Storytelling ៖ គោលបំណងគឺជាការចាប់យកប្លង់ឯក ប្លង់តែមួយឬប្លែក ជាទូទៅគឺជាការប្រើប្រមោលមនុស្ស សត្វ រុក្ខជាតិ ឬអគារ (silhouettes of people, trees or city skylines) ផ្ទុយពីទេសភាពខាងក្រោយដែលមានពណ៌ឆើត ពណ៌ចម្រុះ។
+ ការយកចិត្តទុកដាក់ និងការពិចារណា Mindfulness and Reflection ៖ លើសពីលក្ខណៈបច្ចេកទេស ការថតថ្ងៃលិចជាវិធីសម្រួលផ្លូវចិត្តធ្វើឱ្យអ្នកថតអាចចេះបន្ធូរចិត្តផ្ចង់អារម្មណ៍ គោរពឱ្យតម្លៃការប្រើប្រាស់ម៉ាស៊ីនថតក្នុងគោលបំណងកត់ចំណាំចងក្រងទិដ្ឋភាពវិជ្ជមាននៃជីវិត និងផ្សារភ្ជាប់ខ្លួនទៅនឹងសម្រស់ធម្មជាតិ។ វាបង្ហាញឱ្យឃើញថាថ្ងៃលិចជានិមិត្តរូបនៃសន្តិភាព ក្ដីសង្ឃឹម និងការចាប់ផ្ដើមថ្មី។

បច្ចេកទេសសំខាន់ក្នុងការដេញចាប់ថ្ងៃលិច (ថតថ្ងៃលិច) Chasing the Sunset ៖

+ ការរៀបចំ/Preparation ៖ ប្រើប្រាស់កម្មវិធីទូរស័ព្ទដើម្បីតាមដានទីតាំង និងពេលវេលារបស់ព្រះអាទិត្យ។ ប្រសិនបើមានពេលគ្រប់គ្រាន់ទៅកាន់ទីតាំងដែលចង់ថតឱ្យបានមុនសម្រាប់ការរៀបចំឧបករណ៍គឺជារឿងល្អព្រោះពន្លឺដែលស្អាតមានរយៈពេលខ្លី។
+ ការកំណត់នៅលើម៉ាស៊ីនថត/Camera Setting ៖
- ទម្លាក់ ISO ឱ្យទាបដើម្បីកាត់បន្ថយគ្រាប់ល្អិតនៅលើរូបថត (Noise) ក៏ដូចជាកាត់បន្ថយការស្រូបយកពន្លឺខ្លាំងដោយ Sensor ។
- បិទ Aperture ឱ្យតូច (លេខ f-stop ច្រើន f/8 ដល់ f/16) ដើម្បីចាប់រូបភាពឱ្យបានច្បាស់ និងកាត់បន្ថយពន្លឺ។
- ដំឡើងលេខ Shutter Speed ឱ្យច្រើនដើម្បីកុំឱ្យពន្លឺភ្លឺខ្លាំង (សម្រាប់រូបថតបែបពន្លឺស្រមោល/Silhouettes) និងទម្លាក់លេខ Shutter Speed ឱ្យតិចសម្រាប់ការថតផ្ទៃមេឃពណ៌ខៀវ (Blue Hour) ។
- ប្រើ Spot Metering ចាប់យកតំបន់ភ្លឺនៅលើផ្ទៃមេឃក្នុងការវាស់ស្ទង់ពន្លឺដើម្បីជៀសវាងតំបន់ងងឹតធ្វើឱ្យរូបថតឡើងភ្លឺខ្លាំង ឬប្រើ Partial Metering ចាប់យកតំបន់កណ្ដាលនៃប្លង់រូបភាពដូច Spot Metering ដែរតែច្រើនជាង Spot Metering បន្តិច។ ល្អសម្រាប់ការថតរូបបែបមានពន្លឺជះពីខាងក្រោយ (Back-Lit Scenes)។
- កំណត់ White Balance ជាស្វ័យប្រវត្ត (Auto) ឬ Daylight ឬ Cloudy ឬក៏អាចកំណត់ជាចំនួន Kelvin (K) ចាប់ពីខ្ទង់ ៥០០០ ទៅ ៦០០០ ក៏បាន។
+ ការរួមផ្សំ/Composition ៖ បញ្ចូលសមាសភាពផ្សេងទៀតជាផ្ទៃខាងមុខ (Foreground) ដើម្បីធ្វើឱ្យរូបថតមានជម្រៅ (Depth)។
+ ឧបករណ៍ចាំបាច់/Essential Gear ៖
- ប្រើជើងទប់លំនឹងម៉ាស៊ីនថត (Tripod) ពេលទម្លាក់លេខ Shutter Speed ឱ្យតិចដើម្បីចាប់យកពន្លឺឱ្យបានច្រើននៅពេលថតផ្ទៃមេឃពណ៌ខៀវ (Blue Hour) ជៀសវាងរំញ័រធ្វើឱ្យរូបមិនច្បាស់។
- ប្រើ Flash ឬប្រភពពន្លឺផ្សេងទៀតបំភ្លឺទៅលើតួអង្គមនុស្ស សត្វ រុក្ខជាតិហៅថា Subject ឬ Foreground ក្នុងករណីចង់ឱ្យភ្លឺទាំងផ្ទៃខាងមុខ (Foreground) និងផ្ទៃខាងក្រោយ (Background) ។

បច្ចេកទេសកំណត់នៅលើម៉ាស៊ីនថត និងឧបករណ៍ខាងលើក៏អាចប្រើសម្រាប់ការថតថ្ងៃរះបានដែរតែអាចមានភាពខុសគ្នាបន្តិចបន្តួចនិងត្រូវការឧបករណ៍បន្ថែមមួយចំនួន។

ការសរសេរអត្ថបទខាងលើនេះធ្វើឡើងក្នុងគោលបំណងចែករលែកចំណេះដឹងផ្នែកថតរូបឱ្យកាន់តែទូលំទូលាយ ជាបទពិសោធន៍ដែលបានមកពីការថតរូបដោយផ្ទាល់និងសិក្សាបន្ថែមពីអ៊ិនធឺណេត។ ប្រសិនបើមានចំណុចខុសឆ្គងនិងខ្វះខាត សូមកែតម្រូវនិងបំពេញបន្ថែម។

សូមអរគុណ!

ភ្នំពេញ | កម្ពុជា

#ChasingTheSunset #Sunset
#StreetPhotography #LandscapePhotography
#GoldenHour #MagicHour #CivilTwilight #BlueHour
#NauticalTwilight #AstronomicalTwilight #Silhouette
#PhnomPenh #Cambodia
#OtdomPIXNotice

ថ្ងៃថត - Date ៖ ១០ មីនា ២០២៦

Skip the Carousel

1 2 3 4 5 6 7 8 9 10

2 months ago | [YT] | 0

Otdom PIX Notice | កែ ឧត្ដម

ចន្ទ្រគ្រាសលោហិត ឬ ចន្ទ្រគ្រាសឈាម

ភ្នំពេញ | កម្ពុជា

#Moon #FullMoon #BloodMoon #LunarEclipse
#NightPhotography #StreetPhotography
#PhnomPenh #Cambodia
#OtdomPIXNotice

ថ្ងៃថត - Date ៖ ០៣ មីនា ២០២៦

Skip the Carousel

1 2 3

3 months ago | [YT] | 0

Otdom PIX Notice | កែ ឧត្ដម

សួស្ដីប្រិយមិត្តដែលបានទស្សនាវីដេអូរបស់ Otdom PIX Notice ក៏ដូចជាអ្នកទើបនឹងបានឃើញការដាក់ប្រកាសនេះ។ សូមអរគុណសម្រាប់ការទស្សនា ចូលចិត្ត និង Subscribe! 🙏❤️

7 months ago | [YT] | 1

Otdom PIX Notice | កែ ឧត្ដម

Affinity បានប្រកាសជាផ្លូវការនូវកម្មវិធីទម្រង់ថ្មីដែលរួមបញ្ចូល Affinity Designer, Affinity Photo និង Affinity Publisher ទៅក្នុងកម្មវិធីតែមួយ (all in one app) កាលពីយប់រំលងចូលថ្ងៃទី ៣១ ខែតុលា ឆ្នាំ២០២៥។

ការរួមបញ្ចូលគ្នានេះក៏មានមុខងារថ្មីៗមួយចំនួន និងការធ្វើឱ្យមានភាពងាយស្រួលដល់អ្នកប្រើប្រាស់ក្នុងការ Design, Edit Photo និង Layout ដោយមិនចាំបាច់ចេញពីកម្មវិធីមួយទៅកម្មវិធីមួយទៀត។ បន្ថែមពីលើនេះ អ្វីដែលពិសេសនោះគឺកម្មវិធីនេះត្រូវបានដាក់ឱ្យប្រើប្រាស់ដោយសេរី និងជារៀងរហូត (Welcome to the start of creative freedom for all, totally free. Forever)។

ដើម្បីប្រើប្រាស់កម្មវិធី Affinity ថ្មីនេះបាន អ្នកប្រើប្រាស់ត្រូវមានគណនី Canva (free account) ជាមុនសិន។ ចំពោះអ្នកប្រើ Canva Pro Account នឹងទទួលបានអត្ថប្រយោជន៍ផ្សេងបន្ថែមទៀតដូចជាមុខងារ AI ជាដើម។

Skip the Carousel

1 2 3 4 5 6

7 months ago | [YT] | 1